कबीर सागर (11 भाग संपूर्ण)

( १४४ )

बोधसागर

नयन नासिका श्रवण तरंगा । जिह्वा इंद्रि करी एक संगा ॥ हाथ पाँव जीव सबमें वासा । पल २ छिन २ करहिं प्रकाशा ॥ काया माँहि शब्द पहिचानौ । मिथ्या जग स्वप्नहि सब जानौ ॥ लोभ मोह नाहिं चितधारा । निज अक्षरको करै सम्हारा ॥ अक्षर बहे शीसके माहीं । सो लखि आवै सतगुरु पाहीं ॥ उन मुनि करिकै अक्षर देखै । अक्षरमें निरअक्षर पेंखै ॥ निरअक्षर है वस्तु अपारा । जो जानै सो उतरे पारा ॥ अक्षर निर अक्षर दूजा नाहीं । दूजा करै विगुरुचन ताहीं ॥ नाम संधि हृदये महाँ राखै । अग्र विदेही अमृत चारै ॥

साखी—ज्ञानस्थितिके यह गुण, सबविधि करै सहाव ।

मनुवा अस्थिर होइ रहे, पुरुषहि दरस कराव ॥

कहे कबीर धर्मदाससों, अक्षर सुमिरहु सार ।

निरअक्षरसो प्राति करि, उतरहु भवजलपार ॥

चौपाई

धर्मदास तोहि भेद बताई । एहज्ञान काहू नहि पाई ॥

बहुतक ग्रंथ तुम्हैं समुझावा । ज्ञानस्थितसो गुप्त रहावा ॥

जब तुम कीन्हो खोज बहूता । तब एह भेद कहेब अजगूता ॥

जो यह ग्रंथ सुनै चित गहई । आवागौन तासु निर्बहई ॥

जो कोइ हंसहिहो अंकुरी । तासो भेद कहिब भरपूरी ॥

कपटरूप जाके तन होई । तासो वस्तु जो राखहु गोई ॥

येहि सिखावन पंथ चलावौ । भवसागर के जीव मुक्तावौ ॥

धर्मदास वचन

धर्मदास बिनती अनुसारी । तारण तरण जाब बलिहारी ॥

अब एक इच्छा घटमें आई । सद्वर भक्ति करौ चितलाई ॥

पान प्रमान हमहिं कह दीजे । दीन दयाल दया प्रभु कीजे ॥