कामकलाविलास (पुण्यानन्दनाथ - श्रीविद्या तत्त्व-विमर्श एवं चिद्वल्ली टीका सहित)

श्रीमत्पुण्यानन्दाचार्यविरचितः ७ लोकऽपि सूर्याभिमुखस्थितदर्पणतले सूर्यकिरणप्रतिफलना- नन्तरं निकटगतकुड्ये सूर्यकिरणप्रतिहततेजोबिन्दुः प्रत्यक्षं प्रपद्यते, तद्वत् प्रकाशरूपपरमेश्वरस्य दर्पणवत् स्वरूपविमर्श- संबन्धे जाते तदानीं तत्र महाबिन्दुः 'पूर्णोऽहम्' इत्येवं- रूपः परमेश्वरोऽवभासते इत्यर्थः । आगमश्च 'स्फुरत्तामात्मनः पश्येत्तदा चक्रस्य संभवः।' इति । प्रत्यभिज्ञायामपि 'सा स्फुरत्ता महासत्ता.....................।' इत्यादि । परमानन्दयोगिनोऽपि 'ईदृगियत्तादिवचो दूरतरं स्वानुभूतिसंवेद्यम् । तत्तादृशस्फुरत्ताशेषा संवित्कथं नु सा वाच्या ॥' इत्यादि ॥ ४ ॥ तादृगुज्वलात्मशक्त्यवलोकनोद्भूताहम्भावमेव विशिनष्टि चित्तमयोऽहंकारः सुव्यक्ताहार्णसमरसाकारः । शिवशक्तिमिथुनपिण्डः कवलीकृतभुवनमण्डलो जयति ॥५॥