काशिका वृत्ति (आचार्य वामन एवं जयादित्य - अष्टाध्यायी सूत्र-वृत्ति सम्पूर्ण सान्वय सटीक)

॥ काशिका ॥ १ ॥ २ ॥ ३७ गोदौ रमणीयौ। बहुक्षौ बहुक्षीरघृतौ बहुमाल्यफलौ। अजातेरिति किम्। पञ्चालाः जनपदः। गोदौ ग्रामः। जात्यर्थस्य चायं युक्तवद्भावप्रतिषेधः। तेन जातिद्वारेण यानि विशेषणानि तेषामपि युक्तवद्भावो न भवति। पञ्चालाः जनपदो रमणीयो बहुक्षः। गोदौ ग्रामो रमणीयो बहुक्ष इति॥ मनुष्यलुपि प्रतिषेधो वक्तव्यः॥ * ॥ चञ्चाभिरूपः। वद्रिका दर्शनीयः॥ तदशिष्यं संज्ञाप्रमाणत्वात् ॥ ५३ ॥ तदिति प्रकृतं युक्तवद्भावलक्षणं निर्दिश्यते, तदशिष्यं न वक्तव्यं कस्मात्सं- ज्ञाप्रमाणत्वात्। संज्ञाशब्दा हि नानालिङ्गसंख्याः। प्रमाणं पञ्चाला वरणा इति च। नैते योगशब्दाः। किं तर्हि जनपदादीनां संज्ञा एताः। तत्र लिङ्गं वचनं च स्वभावसिद्धमेव न यत्नप्रतिपाद्यम्। यथा आपो दाराः गृहाः