काव्यप्रकाश (आचार्य मम्मट - सम्पूर्ण १० उल्लास सटीक)

प्रमाणान्तरात् सिद्धे “लोहितोष्णीषा ऋत्विजः प्रचरन्ति” इत्यत्र लोहितोष्णीषत्वमात्रं विधेयं हवनस्यान्यतः सिद्धेः “दध्ना जुहोति” इत्यादौ दध्यादेः करणत्वमात्रं विधेयम् ॥ क्वचिदुभयविधिः क्वचित्त्रिविधिरपि यथा ‘रक्तं पटं वयः’ इत्यादौ एकविधिर्द्विविधिस्त्रिविधिर्वा । ततश्च ‘यदेव विधेयं तत्रैव तात्पर्यम्’ इत्युपात्तस्यैव शब्दस्यार्थे तात्पर्यं न तु प्रतीतमात्रे एवं हि ‘पूर्वो धावति’ इत्यादावपराद्यथपि क्वचित्ता- त्पर्यं स्यात् ।