किरातार्जुनीयम् (घण्टापथ व सुधा टीका सहित)

४० किरातार्जुनीयम्

दिव्यस्त्रीणां सचरणलाक्षारागा रागापाते निपतितपुष्पापीडाः ।
पीडाभाजः कुसुमचिताः साशंसं शंसन्त्यस्मिन्सुरतविशेषं शय्याः ॥२३॥

अन्वयः—अस्मिन् सचरणलाक्षारागाः निपतितपुष्पापीडाः पीडाभाजः कुसुमचिताः दिव्यस्त्रीणां शय्याः रागापाते साशंसं सुरतविशेषं शंसन्ति।

विग्रहः—चरणलाक्षारागैः सः वर्त्तन्त इति ताः सचरणलाक्षारागाः। निपतिताः पुष्पापीडाः यासु ताः = निपतितपुष्पापीडाः। पीडां भजन्तीति ताः पीडाभाजः। कुसुमैश्चिताः = कुसुमचिताः। आशंसेन सहितं = साशंसम्। दिव्याः स्त्रियः = दिव्यस्त्रियस्तासां = दिव्यस्त्रीणाम्।

अर्थः—अस्मिन् = अत्र हिमालये। सचरणलाक्षारागाः = सपदलाक्षारसाः। निपतितपुष्पापीडाः = भ्रष्टकुसुमशेखराः। पीडाभाजः = विमर्दभाजः, कुसुमचिता = पुष्पव्याप्ताः। दिव्यस्त्रीणाम् = देवाङ्गनानाम्। शय्याः = तल्पानि। रागापाते = रागोद्रेके सति। साशंसम् = सतृष्णम्। सुरतविशेषम् = सुरतवैशिष्ट्यम्। शंसन्ति = सूचयन्ति। अत्र संसृष्टिरलङ्कारः, जलधरमालावृत्तञ्च।

कोषः—'शिखास्वापीडशेखरो' इत्यमरः।

हिन्दी—इस हिमालय पर चरणों में लगाये हुए महावर से रञ्जित मुरझाये हुए फूलोंवाली, विमर्दित तथा फूलों से व्याप्त (युक्त) देवाङ्गनाओं की शय्याएं (तल्प) रागोद्रेक होने पर ललचाती हुई रति के विशिष्ट आनन्द को सूचित करती हैं॥२३॥

---

गुणसम्पदा समधिगम्य परं महिमानमत्र महिते जगताम् ।
नयशालिनि श्रिय इवाधिपतौ विरमन्ति न ज्वलितुमोषधयः ॥२४॥

अन्वयः—जगतां महिते अत्र ओषधयः नयशालिनि अधिपतौ श्रिय इव गुणसम्पदा परं महिमानं समधिगम्य ज्वलितुं न विरमन्ति।

विग्रहः—नयः शीलम् अस्येति तस्मिन् = नयशालिनि। गुणानां सम्पद, तया = गुणसम्पदा।

अर्थः—जगतां महिते = जगद्भिः पूजिते। अत्र = अस्मिन् हिमालये। ओषधयः = तृणज्योतींषि। नयशालिनि = नीतिसम्पन्ने। अधिपतौ = राज्ञि। श्रियः = सम्पदः। इव = सदृशम्। गुणसम्पदा = क्षेत्रगुणसम्पत्त्या। परं महिमानम् = प्रकाशसामर्थ्यम्। समधिगम्य = प्राप्य। ज्वलितुम् = प्रकाशितुम्। न विरमन्ति = न विरामं कुर्वन्ति। अविरामं ज्वलन्तीत्यर्थः।