मानमेयोदय (नारायण भट्ट - भाट्ट मीमांसा प्रमाण एवं प्रमेय शास्त्र सटीक)

शक्तिवादः 81 3 अत्र वैशेषिकाः प्राहुः शक्तिं नाभ्युपयन्ति ये । संस्कारः पुंस एवेष्टः प्रोक्षणाभ्युक्षणादिभिः ॥ स्वगुणाः परमाणूनां विशेषाः पाकजादयः । भावो यथा तथाऽभावः कारणं कार्यवन्मतः ॥ प्रतिबन्धो विसामग्री तद्धेतुः प्रतिबन्धकः । स्वरूपादुद्भवत्कार्यं सहकार्युपबृंहितात् ॥ नहि शक्तं कल्पयितुं शक्तिमन्यामतीन्द्रियाम् । एतत्पद्यं पठन्तीत्थं त एते शक्तिवादिनः ॥ स्वरूपात् क्वाप्यनुद्यत्तत्सहकार्युपबृंहितात् । किं न कल्पयितुं शक्तं शक्तिमन्यामतीन्द्रियाम् ॥ 4 इदं फलं शक्तिवादे तत्तद्वाद्यभिसंहितम् । करणं चाप्यकरणं क्षणभङ्गस्य कारणम् ॥ निरास्थन् वैदिकाश्शक्त्या तार्किकास्सहकारिणा । स्वभाववादावकाशः शक्तिवादे प्रसज्यते ॥ इति तार्किकसंत्रासः ह्यर्थस्वाभाविकाः परे । रहस्यमेतदेव स्यात्सामान्याच्छक्तिवादिनाम् ॥ 5 कार्यानुकूलमपृथक्सिद्धं यत्तु विशेषणम् । तच्छक्तिशब्दितं सर्वं विष्णुशक्तिरतः स्मृतम् ॥ न शक्तिः शक्तमात्रं स्यात् सर्वाद्धैतप्रसक्तितः । नवापीष्टापत्तिरत्र जयी स्यान्मध्यमागमः ॥ M. P. 11