मानमेयोदय (नारायण भट्ट - भाट्ट मीमांसा प्रमाण एवं प्रमेय शास्त्र सटीक)

248 मानमेयरत्नश्लोकवार्तिके ब्राह्मण्यमासीत्प्रथमं ततः क्षत्रादि वैभवम् । इतिच ब्रह्म वेत्यादि बृहदारण्यके श्रुतम् ॥ आदौ कृतयुगे शूद्राद्यभावो भारतादिषु । प्रपञ्चितस्सच्चरित्ररक्षायामप्यनूदितः ॥ बीजप्राधान्यतो जातिव्यवस्थाऽदावभूत्ततः । क्षेत्रप्राधान्यत इति चाधुना ज्ञायते गतिः ॥ ब्राह्मणानां पुनः बीजं क्षत्राणां क्षेत्रमित्यपि । मेधातिथेरभिप्रायः ज्ञायते दशमे मनोः ॥ पुराणादिषु चान्येषु विविधा ज्ञायते गतिः । सर्वे सर्वानुग्रहाय मुखभेदा इति स्थितिः ॥ (52) असंबद्धवादः. 1 सम्बन्धस्य च संबन्धे तस्यापीत्यनवस्थितिः । ततस्तस्य परित्यागे स्वरूपे पर्यवस्यति ॥ एवं विशेषे सामान्ये कारणे धर्मधर्मिणोः । आधारेऽवयवे शक्तौ शेषिण्यङ्गे च संविदि ॥ अनवस्थाप्रसङ्गेन व्यवहारः स्वरूपतः । वरमित्याहुरपरे संबन्धोऽत्र कुतः कयोः ॥ 2 अथ संबन्धतत्त्वापलापिनामिह कारिका । प्रमेयाम्बुजमार्तण्डोदाहृतैषाऽवधार्यताम् ॥