पारस्कर गृह्यसूत्र (मार्गदर्शिनी टीका व हिन्दी व्याख्या सहित)

( २१६ )

यज्ञानुष्ठानादि वा, तत् सर्वं, मे—मम, मनसि—हृदये, तिष्ठतु-स्थिरतया वर्त्तताम्, कदाचिदपि नापगच्छतु। तिष्ठत्विति वीप्सा ग्रन्थसमाप्त्यर्था।

इति पारस्करगृह्यसूत्रव्याख्यायां मार्गदर्शिन्यां तृतीयकाण्डे षोडशी कण्डिका॥

---

वासुदेव पुरात् प्राज्ञो यज्वा सर्वस्वदानकृत्,
हारिद्रदुर्गमासाद्य तद्भूंपेन प्रपूजितः। १।

ततोष्टमः शतानन्दो नीलाम्बरसुतः सुधीः।
तत्पुत्रः श्याममिश्रश्च महर्षिप्रतिमोभवत् । २।

तदात्मजो वैद्यनाथो देवातिथिपरायणः।
तत्पुत्रो लोकधर्मज्ञो गदाधर इतीरितः। ३।

मिथ्यावादं परद्वेषं परस्वहरणं तथा।
भीतिं परान्नप्रीतिं च यश्च स्वप्नेऽपि नाचरात् । ४।

तस्य धर्मनिधानस्य ज्येष्ठपुत्रो वृथाह्वयः।
नाम्ना कुलमणिमिश्रोपाह्वः शम्भुकराह्वयः। ५।

पारस्कराचार्यगृह्यसूत्रव्याख्यानमादधात्।
बालानां सुप्रवेशाय क्षेत्रे श्रीपुरुषोत्तमे । ६।