प्रतिमानाटकम् (महाकवि भास - प्रतिमा-दर्शन एवं सम्पूर्ण ७ अङ्क सान्वय सटीक)

( 173 ) इसी कारण रावण ने कपट वेश धारण करके सीता का हरण कर लिया। (११) (४) मूल भरतः—कथं हृतेति? (मोहमुपगतः) सुमन्त्रः—समाश्वसिहि, समाश्वसिहि। भरतः—(पुनः समाश्वस्य) भोः! कष्टम्। पित्रा च वान्धवजनेन च विप्रयुक्तो दुःखं महत् समनुभूय वनप्रदेशे। भार्यावियोगमुपलस्य पुनर्ममार्यो जीमूतचन्द्र इव खे प्रभया वियुक्तः॥ (१२) भोः! किमिदानीं करिष्ये? भवतु, दृष्टम्। अनुगच्छतु मां तातः। सुमन्त्रः—यदाज्ञापयति कुमारः। (उभौ परिक्रामतः) सुमन्त्रः—कुमार! न खलु न खलु गन्तव्यम्। देवीनां चतुश्शालमिदम्। भरतः—अत्रैव मे कार्यम्। भोः! क इह प्रतिहारे? (प्रविश्य) प्रतिहारी—जयतु भर्तृदारकः। विजया खल्वहम्। भरतः—विजये! ममागमनं निवेदयात्रभवत्यै। प्रतिहारी—कतमस्यै भट्टिन्यै निवेदयामि। भरतः—या मां राजानमिच्छति। प्रतिहारी—(आत्मगतम्) हं किन्नु खलु भवेत्? (प्रकाशम्) भर्तः! तथा। (ततः प्रविशति कैकेयी प्रतिहारी च) कैकेयी—विजये! मां प्रेक्षितुं भरत आगतः। प्रतिहारी—भट्टिनि! तथा। भर्तृदारकस्य रामस्य सकाशात् तात- सुमन्त्र आगतः। तेन सह भर्तृदारको भरतो भट्टिनीं प्रेक्षितुमिच्छति किल। कैकेयी—(स्वगतम्) केन खलूद्घातेन मामुपालप्स्यते भरतः? प्रतिहारी—भट्टिनि! किं प्रविशतु भर्तृदारकः?