समराङ्गणसूत्रधार (महाराज भोज - वास्तु, स्थापत्य एवं यंत्र शास्त्र)

द्विशालगृहलक्षणं नाम द्वाविंशोऽध्यायः १२३ आद्याद्याभिस्तिसृभिः स्वामिघ्नं महिषं विदुः । प्रचण्डं दण्डभेदेषु पूर्वया सद्वितीयया ॥ ३४ ॥ गृहमादौ विजानीयाद् भर्तुर्नृपभयप्रदम् । चण्डमाद्यातृतीयाभ्यां चण्डदण्डभयप्रदम् ॥ ३५ ॥ दण्डं स्याद् द्वितृतीयाभ्यां राजदण्डाय दारुणम् । उद्दण्डमाद्यातुर्याभ्यां स्वामिनो दण्डभीतिदम् ॥ ३६ ॥ काण्डं द्वितीयातुर्याभ्यां काण्डवद्भेदकारकम् । कोटरं त्रिचतुर्थीभ्यां स्वामिनो विग्रहावहम् ॥ ३७ ॥ प्रथमा(द्वि)तृतीयाभिर्विग्रहं वधबन्धकृत् । आद्याद्वितीयातुर्याभिर्निग्रहं विग्रहावहम् ॥ ३८ ॥ आद्यातृतीयातुर्याभिर्धूम्रं सर्वधनापहम् । द्वितृतीयाचतुर्थीभिर्निर्धूमं धननाशनम् ॥ ३९ ॥ आद्याद्याभिस्तिसृभिर्दन्तिदारुणमर्थहृत् । आद्याद्वितीयामूर्षाभ्यां वातभेदेषु मन्दिरम् ॥ ४० ॥ मरुत्संज्ञं भवेत् तत्र वसतां कलहः सदा । उद्वेगकारि पवनं तृतीयाथोपलक्षितम् ॥ ४१ ॥ वाताख्यं द्वितृतीयाभ्यां सदा सन्तापकारकम् । सन्तापोद्भासकार्याद्यातुर्याभ्यामनिलं भवेत् ॥ ४२ ॥ प्रभञ्जनं द्वितुर्याभ्यां शोकसन्तापकारकम् । तृतीयया चतुर्थ्या च घनार्युद्वेगकारकम् ॥ ४३ ॥ आद्यया द्वितृतीयाभ्यां रोगं कार्यार्थनाशनम् । आद्याद्वितीयातुर्याभिः प्रलयं चित्ततापकृत् ॥ ४४ ॥ आद्याद्वितीयातुर्याभिः कलहं कलहावहम् । द्वितृतीयाचतुर्थीभिः केलिः सन्तापकारकम् ॥ ४५ ॥ १ द. ख. ॰मूषाभिः । २ क. द. कलिसं०