समराङ्गणसूत्रधार (महाराज भोज - वास्तु, स्थापत्य एवं यंत्र शास्त्र)

४०२ समराङ्गणसूत्रधारे बाह्यभित्तीः परित्यज्य गर्भभित्तिर्विधीयते । वेदिकाकालरूपाद्यो(?) भद्रतोरणभूषितः ॥ एतद्द्वेदसमायुक्तः प्रासादः स्याद् वसुन्धरः । भक्त्या यः कारयेदेनं सोऽधितिष्ठत्यसंशयम् ॥ दुष्प्रापमपि देवानां महादेवस्य मन्दिरम् । वसुन्धरः ॥ प्रासादं मुद्गनामानमिदानीमभिदध्महे ॥ चतुरश्रीकृते क्षेत्रे षड्भिर्भागैर्विभाजिते । कुर्वीत भागिकीं भित्तिं गर्भं चैवास्य वर्तुलम् ॥ भद्रं चतुष्पदं वृत्तं निर्गमेण पदद्वयम् । स्वस्तिकञ्च(स्य) समाकाराश्चत्वारो रथिकाः स्मृताः ॥ कर्णांश्च सर्वे कर्तव्या अश्रिभिः षड्भिरावृताः । जङ्घा वेदी च पीठं च (तंन्न कीर्ति?)निभानि च ॥ विस्तृतान्येकभागेन द्विभागोत्सेधवन्ति च । कर्णकूटानि कुर्वीत सपत्रा(त्र)मकराणि च ॥ भद्रं चतुष्पदायामं पञ्चभागसमुच्छ्रितम् । ग्रीवाण्डकं सकलशं कुर्यात् सार्धपदद्वयम् ॥ विस्तारं मूलमञ्जर्याः षट्पदं ++मालिखेत् । उच्छ्रयं दशभिर्भागैर्ग्रीवाकलशसंयुतम् ॥ मञ्जरीमत्र कुर्वीत (मंन्नकीर्त्तिं?) यथा कृता । प्रासादं ++++ यो भक्तितः कारयेदिमम् ॥ गायन्ति तस्य किन्नर्यो दिवि चन्द्रामलं यशः । मुद्गप्रासादः ॥ इदानीं म+++++हच्छालं सु(रा)लयम् ॥ कमलोद्भवसंस्थाने कुर्वीतेमं यथास्थितम् । दिक्सूत्रे कर्णसूत्रेण रथ++++++त् ॥ १ 'मानकीर्ण' इति स्यात् । २ 'मामकीर्णं' इति स्यात् ।