संस्कार विधि (महर्षि दयानन्द सरस्वती - षोडश वैदिक संस्कार एवं गुरुकुल विधान सटीक)

१४. संस्कारविधिः ये दे॒वानां॑ य॒ज्ञिया॑ य॒ज्ञिया॑नां॒ मनो॒र्यज॑त्रा अ॒मृता॑ ऋ॒त॒ज्ञाः। ते नो॒ रास॑न्तामुरुगा॒यम॒द्य यू॒यं पा॑त स्व॒स्तिभिः॒ सदा॑ नः ॥८॥ —ऋ० मं० ७। सू० ३५। ६५॥ येभ्यो॑ मा॒ता मधु॑मत् पिन्व॑ते॒ पयः॑ पी॒यूषं॒ द्यौरदि॑- तिरद्रि॑बर्हाः। उ॒क्थशु॑ष्मान् वृष॒भरान्त्स्वर्ज॑स॒स्ताँ आ॑दि॒त्याँ अनु॑ मदा स्व॒स्तये॑ ॥९॥ नृ॒चक्ष॑सो॒ अनि॑मिषन्तो॒ अर्ह॑णा बृ॒हद् दे॒वासो॑ अ॒मृ॒त॒त्वमा॑नशुः। ज्योति॑रथा॒ अहि॑माया॒ अना॑गसो दि॒वो वर्ष्माणं॑ वसते स्व॒स्तये॑ ॥१०॥ स॒म्राजो॒ ये सु॒वृधो॑ य॒ज्ञमा॑य॒युरप॑रिह्वता॒ दधि॑रे दि॒वि क्षय॑म्। ताँ आ वि॑वास॒ नम॑सा सु॒वृक्तिभि॑र्म॒हो आ॑दि॒त्याँ अदि॑तिं स्व॒स्तये॑ ॥११॥ को वः॒ स्तोमं॑ राधति॒ यं जुजो॑षथ॒ विश्वे॑ देवासो मनुषो॒ यति॒ ष्ठन॑। को वो॑ऽध्व॒रं तु॑विजाता॒ अरं॑ कर॒द्यो नः॒ पर्षदत्यंहः॒ स्व॒स्तये॑ ॥१२॥ येभ्यो॒ होतां॑ प्रथ॒मामा॑ये॒जे मनुः॑ स॒मिद्धा॒ग्निर्मन॑सा स॒प्त होतृ॑भिः। त आ॑दि॒त्या अभ॑यं॒ शर्म॑ यच्छत सु॒गा नः॑ कर्त सु॒पथा॑ स्व॒स्तये॑ ॥१३॥ य ईशि॑रे॒ भुव॑नस्य॒ प्रचे॑तसो॒ विश्व॑स्य स्था॒तुर्जग॑तश्च मन्त॑वः। ते नः॑ कृ॒तादकृ॑ता॒देन॑स॒स्पर्र्य॒द्या दे॑वासः पिपृता स्व॒स्तये॑ ॥१४॥