संस्कार विधि (महर्षि दयानन्द सरस्वती - षोडश वैदिक संस्कार एवं गुरुकुल विधान सटीक)

स्वस्तिवाचनम् १५ भरे॑ष्विन्द्रं॑ सु॒हवं॑ हवामहे॒ऽहो॒मुचं॑ सु॒कृतं॑ दैव्यं॑ जन॑म्। अ॒ग्निं मित्रं वरु॑णं सा॒तये॒ भगं॒ द्यावा॑पृथि॒वी म॒रुतः॑ स्व॒स्तये॑ ॥ १५ ॥ सु॒त्रामा॑णं पृथि॒वीं द्यार्मनेहसं॑ सु॒शर्मा॑ण॒मदि॑तिं सु॒प्रणी॑तिम्। दैवीं नावं॑ स्वरि॒त्रामना॑ग॒समस्र॑वन्ती॒मा रु॑हेमा स्व॒स्तये॑ ॥ १६ ॥ विश्वे॑ यजत्रा॒ अधि॑ वोचतो॒तये॒ त्राय॑ध्वं नो दु॒रेवा॑या अ॒भि॒ह्रुतः॑। स॒त्ययां॑ वो दे॒वहू॑त्या हुवेम शृण्व॒तो दे॑वा॒ अव॑से स्व॒स्तये॑ ॥ १७ ॥ अ॒पामी॑वा॒मप॒ विश्वा॒मना॑हुति॒मपारा॑तिं दु॒र्विद॑त्रा॒म- घायु॒तः। आ॒रे दे॑वा॒ द्वेषो॑ अ॒स्मद् यु॑योतनो॒रु णः॒ शर्म॑ यच्छता स्व॒स्तये॑ ॥ १८ ॥ अ॒रि॒ष्टः स मत्तॊ॒ विश्व॒ एध॑ते॒ प्र प्र॒जाभि॑र्जायते॒ धर्म॑ण॒स्परि॑। यमा॑दित्यासो॒ नय॑था सु॒नी॒तिभि॒रति॒ विश्वा॑नि दु॒रिता स्व॒स्तये॑ ॥ १९ ॥ यं दे॑वा॒सोऽव॑थ॒ वाज॑सातौ॒ यं शूर॑साता मरुतो हि॒ते धने॑। प्रात॒र्यावा॑णं॒ रथ॑मिन्द्र सा॒नुसि॑मरि॒ष्यन्त॒मा रु॑हेमा स्व॒स्तये॑ ॥ २० ॥ स्व॒स्ति नः॑ प॒थ्या॑सु॒ धन्व॑सु स्व॒स्त्य१॑प्सु वृ॒जने॑ स्व॑र्वति। स्व॒स्ति नः॑ पु॒त्रकृ॒थेषु॒ योनि॑षु स्व॒स्ति रा॒ये म॑रुतो दधातन ॥ २१ ॥