षोडश ग्रन्थाः (महाप्रभु वल्लभाचार्य - पुष्टिमार्ग सिद्धान्त एवं सान्वय हिन्दी व्याख्या)

गो० श्रीद्वारिकेशचरणविरचिततट्टिप्पणेन समलङ्कृतम् । ३९ उक्तश्च भक्तिवर्द्धिन्यां त्यागो भक्तिविवर्द्धनः । अतस्तस्य विवेकार्थे संन्यासे निर्णयं जगौ ॥ १७ ॥ भावसिद्धौ भावनैव साधनं त्वपरं न हि । निरोधलक्षणे भावं व्रजस्थानामतश्चकौ ॥ १८ ॥ इत्थं पञ्चदशग्रन्थैर्भावं संसाध्य कारणम् । उद्वेगप्रतिबन्धानां साधनैर्वारणैः सह ॥ १९ ॥ फलं स कथयाँश्चक्रे सेवाफलनिरूपणम् । तस्याप्यतिदुरुहत्वाद्विवृतिं चाकरोद्विभुः ॥ २० ॥ एवं षोडशभिर्ग्रन्थैः पुरुषोत्तमसेवनम् । प्रतिपाद्य फलत्वेन चक्रे जीवोद्धृतिं विभुः ॥ २१ ॥ अवतारदशायां तु उद्धृती रूपदर्शनात् । इह नामात्मकैर्ग्रन्थैः स्वदासानां सदोद्धृतिः ॥ २२ ॥ तस्मात्सर्वप्रयत्नेन दैवैः कर्त्तव्यमेव हि । सेवनं श्रीव्रजेशस्य तद्ग्रन्थानां च पाठनम् ॥ २३ ॥ इति सिद्धं तथापीह लोके जीवा बहिर्मुखाः । कृता भगवदाज्ञप्तै रुद्रांशैर्ब्राह्मणैस्ततः ॥ २४ ॥ तेषां साम्मुख्यसिद्ध्यर्थमर्थज्ञानमपेक्षितम् । तदर्थं ग्रन्थटीकास्तु प्रभुप्रभृतिभिः कृताः ॥ २५ ॥ तासां मतं समालोक्य सर्वकर्तृकृपावलात् । मयापि क्रियते ह्येषा सुगमान्वयबोधिनी ॥ २६ ॥ श्रीमदाचार्यचरणान्नमस्कृत्य पुनःपुनः । गोपीनाथांश्च सुखदान् सत्सूनुयुतान्प्रभून् ॥ २७ ॥ श्रीदामोदरसञ्ज्ञं तत्पुत्रं विठ्ठलरायकम् । श्रीवल्लभं गिरिधरं तत्सूनुं विठ्ठलेश्वरम् ॥ २८ ॥ द्वारिकेशं गिरिधरं मथुरानाथसञ्ज्ञकम् । हरिरायनरश्रेष्ठौ स्मृत्वा तट्टिप्पणीकृतौ ॥ २९ ॥ यमुनाष्टकटीकायाष्टिप्पणं विलिखाम्यहम् । तत्र बुद्धिं प्रयच्छन्तु श्रीमदाचार्यवंशजाः ॥ ३० ॥