श्रीमद्भगवद्गीतारहस्य अथवा कर्मयोगशास्त्र (लोकमान्य बाल गंगाधर तिलक)

॥ श्रीगणेशाय नमः ॥ ॐ तत्सत् .

• श्रीमद्भगवद्गीता-रहस्य - अथवा
• कर्मयोग-शास्त्र. - प्रकरण १ लें. विषय प्रवेश . नारायणं नमस्कृत्य नरं चैव नरोत्तमम्। देवीं सरस्वतीं व्यासं ततो जयमुदीरयेत् ॥ महाभारत - आदिपर्व श्रीमद्भगवद्गीता हा आमच्या धर्मग्रंथांपैकीं एक अत्यंत तेजस्वी व निर्मल हिरा आहे. पिंडब्रह्मांडज्ञानपूर्वक अध्यात्म- शास्त्राचीं पवित्र तत्त्वें थोडक्यांत पण असंदिग्ध रीतीनें सांगून, त्यांच्याच आधारें, मनुष्यमात्रास या प्रपंचांत, आध्यात्मिक दृष्टीने, नेहमीं म्हणजे परम पुरुषार्थाची ओळख पटवून देणारा व त्या अनुरोधानें आपापलीं संसारांतील कर्तव्यकर्मे आचरण्याचा मार्ग दाखविणारा, ऐहिक व पारलौकिक कल्याणाचा असा अपूर्व समन्वय करणारा ग्रंथ संस्कृत वाङ्मयांत किंवा जगांतील इतर वाङ्मयांत देखील सांपडणें दुर्मीळ होय. केवळ काव्यदृष्टीनें जरी या...