स्वरोदय विज्ञान

(५२)

(स्वरोदय विज्ञान)

अब इक इक के काजहि वरनौं, सुनि राखौं मन मांही । जाकौ काज ता समय कीजै, सिद्धि सकल विधि लहियै । अपजोगनि की कछु न वस्याई, जो स्वर मारग चलियै । भाषा रिषीकेस कृते नाड़ी-स्वर भेद वर्णनानाम प्रथमोप्रकासः ॥१॥

इति श्री भाषा स्वरोदये ज्ञान दीपकं उमा महेश्वर संवादं ।

द्वितीय प्रकास

स्वर-कार्य-वर्णन

दोहा

अब हरिगीता छन्द करि, कहियत दुतिय प्रकास । एकए स्वर के काज सब, भाषे सिव सुखराम ।

हरिगीतिका छन्द

जेकाज ससि स्वर मध्य सूभ, तिनो को सुनौ चितलाइ जू । कबहू न निर्फल होहि जे, निश्चये सदा फलदाइ जू ।

अथ चन्द्र-स्वर

जात्रा, विवाह, सुदान भूषण, वसन, ससि सुभ जानियै । पुनि सांति पौष्टि सुमित्र दर्शन स्वामि कौ सनमानियै । कहि बंज अरु धन, बहुरि रस कौ सार संग्रह कीजियै । तहा जानि ग्रह परवेस शुभ, पुनि बीज खेतहि दीजियै । सुभ मंत्र-साधन जज्ञ विद्या, सुर प्रतिष्ठा जानियै ।