तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

२०८ तैत्तिरीये आरण्यके

---

य॑क्ष्ममचीचते कृत्य्॒ान् निर्ऋ॑तिञ्च ॥ तेन॒ योऽस्म॒त् स॒-
मृ॒च्छा॑तै तम॑स्मै प्रसु॑वामसि^(६) । ^(७)दुः॒शꣳ॒सानु॑शꣳसा-
भ्यां॑ घ॒णेना॑नुघ॒णेन॑ च । तेना॒न्योस्म॒त् समृ॑च्छा॒तै त-
म॑स्मै प्रसु॑वामसि^(७) । ^(८)सं वर्च॑सा॒ पय॑सा॒ सन्त॒नूभि॒रग॑-

---

निष्कृत्य निश्चयेन वा चाभच्चयामि नाशयामि,* ‘कृत्यां’ पाप-
रोगादिकामलक्ष्मीञ्च† नाशयामि । ‘यः’ शत्रुः, ‘अस्मत्’
अस्मासु, ‘तेन’ कृत्यादिना, ‘समृच्छाते’ विनाशमाचरेत्,
‘अस्मै’ शत्रवे, ‘तं’ यक्ष्मादिकं, ‘प्रसुवामसि’ प्रेरयामः ॥

अथ द्वादशीमाह । ^(७)“दुः॒शꣳ॒सानु॑शꣳसाभ्यां ० प्रसुवा-
मसि”^(७) इति। ‡ ‘दुःशंसः’ अस्मदीयस्य दुष्कृतस्य शंसिता कथ-
यिता, ‘अनुशंसः’ अन्येषामग्रेऽस्मदीयस्य दुष्कृतस्य पुनः पुनः
शंसिता, ‘घणः’ हननशीलः, ‘अनुघणः’ तस्यैवानुविधायकः, ‘तेन’
तैर्दुःशंसादिभिः, सह ‘अन्यः’, अपि यः शत्रुः § ‘अस्मत्समृच्छाते’
अस्मासु विनाशमाचरेत् । ‘अस्मै’ विनाशकाय, ‘तं’ यक्ष्माणम-
स्माकं॥, ‘प्रसुवामसि’ प्रेरयामः ॥

---

* निष्कृत्य निश्चयेन वा चातयामि विनाशयामीत्यर्थ इति तै० पाठः ।
† ‘कृत्यां’ नरोत्पादितां, ‘निर्ऋतिं’ अलक्ष्मीञ्चेति तै० पाठः ।
‡ यक्ष्मारोगनिमित्तमिति तै० अधिकः पाठः ।
§ यः कश्चिदिति तै० पाठः ।
॥ तस्मै विनाशाय एतं यक्ष्मादिकमिति तै० पाठः ।