तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

३ प्रपाठके १६ अनुवाकः । ३५६

अथ एकोनविंशोऽनुवाकः ।

$^{(१)}$ज्योति॑ष्मतीं त्वा सादयामि ज्योति॒ष्कृतं॑ त्वा सा- दयामि ज्योति॒र्विदं॑ त्वा सादयामि॒ भास्व॑तीं त्वा साद- यामि॒ ज्वल॑न्तीं त्वा सादयामि म॒ल्मला॒ भव॑न्तीं त्वा सा- दयामि दी॒प्यमा॑नां त्वा सादयामि॒ रोच॑मानां त्वा सा- दया॒म्यर्ज॑सां त्वा सादयामि बृ॒हज्ज्योति॑षं त्वा सादया- मि बो॒धयं॑तीं त्वा सादयामि॒ जागृ॑तीं त्वा सादया- मि$^{(१)}$ ॥ अनु० १९ ॥

---

अथ एकोनविंशोऽनुवाकः ।

अथोपोषणे दाहे विनियुक्तानि यजूंष्याह । $^{(१)}$"ज्योतिष्मतीं • जागृतीं त्वा सादयामि"$^{(१)}$ इति । प्रेतं दग्धुं या समित् प्रक्षिप्यते तां सम्बोध्योच्यते । हे समित् त्वां अस्य प्रेतस्योपरि 'सादयामि' स्थापयामि । ज्योतिष्मतीत्यादिभिर्विशेषणैस्तत् समिधनिष्ठाया ज्वालायाः उत्तरोत्तराभिवृद्ध्या अवस्थाविशेषा उच्यन्ते । अत्यल्पप्रकाशोपेता 'ज्योतिष्मती' । ईषदधिकप्रकाशोपेता 'ज्योतिष्कृत्' । अतोप्यधिकप्रकाशोपेता 'ज्योतिर्वित्' । एवं भास्वत्यादिषु योजनीयं । मल्मलेति दह्यमानकाष्ठध्वनेरनुकरणं । लिङ्गानुसारेणायं मन्त्र इष्टकोपधानेऽपि विनियोक्तव्यः ॥

इति सायनाचार्य्यविरचिते माधवीये वेदार्थप्रकाशे यजुरारण्यके तृतीयप्रपाठके एकोनविंशोऽनुवाकः ॥ १९ ॥

2 x