तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

५६२ तैत्तिरीय आरण्यके

सव॑नं । तेनाप॑शीर्ष्णा य॒ज्ञेन॒ यज॑मानाः । नाशिषो॒ऽवारुन्धत । न सु॑व॒र्गं लो॒कम॒भ्य॑जयन्^(५) । ^(६)ते दे॒वा अ॒श्विना॑वब्रुवन् ॥ ६ ॥

भि॒षजौ॒ वै स्थ॑ः । इ॒दं य॒ज्ञस्य॒ शिरः॒ प्रति॑धत्तमिति॑ । तावे॑ब्रूतां॒ वरं॑ वृणावहै । ग्र॒ह एव ना॑व॒त्रापि॑ गृह्यता॒मिति॑ । ताभ्या॑मे॒तमा॑श्वि॒नम॑गृह्णन् । तावे॒तद्य॒ज्ञस्य॒ शिरः॒ प्रत्य॑धत्तां^(६) । ^(७)यत्प्र॑व॒र्ग्यः॑ । तेन॑ सश॒ीर्ष्णा य॒ज्ञेन॒ यज॑मानाः । अवा॑शिषो॒ऽरुन्धत । अ॒भि सु॑व॒र्गं लो॒कम॑जयन्* ॥ यत्प्र॑व॒र्ग्यं प्र॒वृण॒क्ति॑ । य॒ज्ञस्यै॑व तच्छिरः॒ प्रति॑दधाति । तेन॒ सशी॑र्ष्णा य॒ज्ञेन॒ यज॑मानः । अवा॒शिषो॑ रुन्धे । अ॒भि सु॑व॒र्गं लो॒कं ज॑यति । तस्मा॑दे॒ष आ॑श्विनप्र॑वया इव । यत्प्र॑व॒र्ग्यः॑^(७) ॥ ७ ॥

उ॒त्क॒रः(१), हि(२), एं॒ते(३), तृ॑न्दन्ति(४), महावी॒र॒त्वम्(५), अ॑ब्रुवन्(६), अजयन्, स॒प्त च॑(७) ॥ अनु० १ ॥

---

६ एतन्मन्त्रस्य भाष्यं ३७७ पृष्ठे द्रष्टव्यं ।
७ ,, ३७८ ,,
* अभ्यजयन्निति A चिह्नितपुस्तकपाठः ।