तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

५ प्रपाठके ८ अनुवाकः। ६१५

जुहो॑ति । रक्ष॑सामप॑हत्यै । अनु॑यजति स्वगाकृ॑त्यै^{(८)} । ^{(६)}घ॒र्म्मं पा॑तमश्विनेत्या॑ह ॥ २ ॥

पूर्व्वमे॒वादृ॑तं । उत्त॑रेणाभिगृ॑णाति^{(९)} । ^{(१०)}अनु॑ वां ॒द्यावा॑पृथिवी अ॒मꣳसातामित्या॒हानु॑मत्यै^{(१०)} । ^{(११)}तं प्राञ्चं॒ यथावत्स॒मौ दि॒वे नमः॑ पृथि॒व्या इत्या॑ह । यथा॒यजु॑रे॒वैतत्^{(११)} । ^{(१२)}दि॒वि धा॑ इ॒मं य॒ज्ञं य॒ज्ञमि॒मं दि॒वि धा इत्या॑ह । सु॒वर्ग॑मे॒वैनं॑ लो॒कं ग॑मयति^{(१२)} । ^{(१३)}दि॒वं ग॑च्छान्तरि॑क्षं गच्छ पृथि॒वीं ग॑च्छेत्या॑ह । ए॒ष्वेवैनं॑ लो॒केषु प्रति॑ष्ठापयति^{(१३)} । ^{(१४)}पञ्च॒ प्रदिशो॑ ग॒च्छेत्या॑ह ॥ ॥ ३ ॥

दि॒क्ष्वेवैनं॒ प्रति॑ष्ठापयति । दे॒वान् घ॑र्म्म॒पान् ग॑च्छ पि॒तॄन् घ॑र्म्म॒पान् ग॒च्छेत्या॑ह । उ॒भये॑ष्वे॒वैनं॒ प्रति॑ष्ठापयति^{(१४)} । ^{(१५)}यत् पिन्व॑ते । वर्षु॑कः प॒र्जन्यो॑ भवति ।

---

६	एतन्मन्त्रस्य भाष्यं	४८२	पृष्ठे द्रष्टव्यं ।
९	”	४८३	”
११	”	४८३	”
१२	”	४८३	”
१३	”	४८३	”
१४	”	४८३	”
१५	”	४८५	”