तैत्तिरीय आरण्यक (कृष्ण यजुर्वेद - सायणभाष्य व हिन्दी अनुवाद)

५ प्रपाठके ८ अनुवाकः । ६२७

ब्रह्म॑न्ने॒वैनं॑ प्रति॒ष्ठाप॑यति^(२४) । ^(२५)नेन्त्वा वात॑: स्कन्द्यादिति॑^(२५) ^(२६)यद्य॑भिच॒रेत्॑ । अ॒मुष्य॑ त्वा प्रा॒णे सा॑दयाम्य॒मुना॑ स॒ह निर्ऋ॑थं गच्छेति॑ ब्रूयाद्यं द्विष्यात् । यमे॒व द्वेष्टि॑ । तेनै॑नंँ स॒ह निर्ऋ॑थं गमयति^(२६) । ^(२७)पू॒ष्णे शर॑से॒ स्वाहेत्या॑ह । या एव दे॒वता॑ हु॒तभा॑गाः । ताभ्य॑ ए॒वैनं॑ जुहोति^(२७) । ^(२८)ग्राव॑भ्यः॒ स्वाहेत्या॑ह । या ए॒वान्तरि॑क्षे वाच॑: ॥ ७ ॥

ताभ्य॑ ए॒वैनं॑ जुहोति^(२८) । ^(२९)प्र॒ति॒रेभ्यः॒ स्वाहेत्या॑ह । प्रा॒णा वै दे॒वाः प्र॑ति॒राः । तेभ्य॑ ए॒वैनं॑ जुहोति^(२९) । ^(३०)द्यावा॑पृथि॒वीभ्याँ॒ स्वाहेत्या॑ह । द्यावा॑पृथि॒वीभ्या॑मे॒वैनं॑ जुहोति^(३०) । ^(३१)पि॒तृभ्यो॑ घ॒र्मपे॑भ्यः॒ स्वाहेत्या॑ह । ये वै यज्व॑नः । ते पि॒तरो॑ घ॒र्मपाः॑ । तेभ्य॑ ए॒वैनं॑ जुहोति^(३१) ॥ ८ ॥

---

२५	एतन्मन्त्रस्य भाष्यं	४८७ पृष्ठे	द्रष्टव्यं ।
२६	,,	४८८	,,
२७	,,	४८९	,,
२८	,,	४८९	,,
२९	,,	४८९	,,
३०	,,	४८९	,,
३१	,,	४९०	,,