तन्त्रालोक (प्रथम भाग - जयरथ विवृति सहित)

श्लोक ८२ ] प्रथमाह्निकम् । १२३ पदादि इति आदिशब्देन भूतभावग्रहणम् । सृष्टिस्थिती इत्यनेन कृत्यभेद उक्तः । तुर्यमित्य- न्यच्छब्दवाच्यं सृष्ट्यादीनामन्तर्वर्ति पूर्णं रूपम् । अनेन चतुष्टयार्थस्यापि आसूत्रणं कृतं, तेन स्थितौ संहारे तिरोधानानुग्रहयोरन्तर्भावः कार्यो येनैत- त्स्यात्, अन्यत्तुर्यं, जाग्रत्स्वप्न इत्यनेन अवस्थाभेद उक्तः । अकलौ इति विज्ञानाकलप्रलयाकलौ । अनेन प्रमातृभेदः ॥७८॥७६॥८०॥८१॥ तदेवं वैचित्र्यभाजः षट्त्रिंशत्तत्त्वात्मकस्य जगत- श्चिदानन्दैकघनः परमार्थः शिव एवानुप्राणकतया वर्तते इत्याह तत्त्वग्रामस्य सर्वस्य धर्मः स्यादनपायवान् । आत्मैव हि स्वभावात्मे- त्युक्तं श्रीत्रिशिरोमते ॥८२॥ पं० २ क० पु० इत्यन्यशब्दवाच्यमिति पाठः । पं० ४ क० पु० चतुष्टयस्याप्यासूत्रणमिति पाठः । पं० १० ख० पु० परमात्मा शिव इति पाठः । पं० १२ क० पु० तत्त्वग्रामस्य शार्वस्येति पाठः ।