तन्त्रालोक (प्रथम भाग - जयरथ विवृति सहित)

६ श्रीतन्त्रालोकः । वैचित्र्यमप्याभासयेत्। नन्वेक एव विचित्रेण रूपेण च स्फुरति, इति किमेतत् ? इत्याशंक्याह ‘स हीत्यादि’ नित्योदित इति – अप्रच्युतप्राच्यस्वरूपः, अत एव ‘विभुः’ व्यापकः – तत्तद्वैचित्र्यग्रहणकालेऽप्यनुगत एवेत्यर्थः ॥ ४ ॥ अत एवाह एतावद्भिरसंख्यातैः स्वभावैर्यत्प्रकाशते । कोऽप्यंशांशिकया तेन विशन्त्यन्ये निरंशतः ॥ ५ ॥ एतावद्भिरिति – चतुर्भिः, असंख्यातैरिति – तत्त- दवान्तरभेदात्, तेनेति – अनेकेन स्वभावेन प्रकाश- नात् ॥५॥ न केवलमत्रेयदेव वैचित्र्यं यावदन्यदप्यस्तीत्याह तत्रापि चाभ्युपायादि- सापेक्षान्यत्वयोगतः । उपायस्यापि नो वार्या तदन्यत्वाद्विचित्रता ॥ ६ ॥ पं० १४ क० पु० सापेक्षत्वान्ययोगत इति पाठः ।