वैयाकरण सिद्धान्त कौमुदी (भट्टोजि दीक्षित - बालमनोरमा व तत्त्वबोधिनी टीका सम्पूर्ण पूर्वार्ध)

लुप्तषष्टीकं वनतीतरेषां विशेषणम् । अनुनासिकान्तानामेषां वनतेश्च लोपः स्याज्झलादौ क्विति परे ॥ यमि रमि नमि गमि हनि मन्यतयोऽनुदात्तोपदेशाः । तनु षण क्षणु क्षिणु ऋण तृणु घृणु वनु मनु तनोत्यादयः ॥ हतः । घ्नन्ति ॥ वमोर्वा । ८ । ४ । २३ ॥ उपसर्गस्था- न्निमित्तात्परस्य हन्तेर्नस्य णो वा स्याद्वमयोः परयोः ॥ प्रहण्मि । प्रहन्मि । प्रहण्वः । प्रहन्वः । ‘हो हन्तेरिति कुत्वम् । जघान । जघ्नतुः । जघ्नुः ॥ अभ्यासाच्च । ७ । ३ । ५५ ॥ अभ्यासात्परस्य हन्तेर्हस्य कुत्वं स्यात् ॥ जघनिथ । जघन्थ । हन्ता । ‘ऋद्धनोरितीट् । हनिष्यति । हन्तु । हतात् । घ्नन्तु ॥ हन्तेर्जः । ६ । ४ । ३६ ॥ हौ परे ॥ आभीयतया जस्यासिद्धत्वाद्धेर्न लुक् । जहि । हनानि । हनाव ।