वेणीसंहारम् (भट्ट नारायण - संस्कृत मूल एवं सान्वय हिन्दी व्याख्या)

अत्र किञ्चिद्वक्तव्यम् आचार्य श्री ब्रह्मदत्तद्विवेदी (प्रिंसिपल, रामनिरञ्जनदासमुरारका-संस्कृत कालेज, पटना सिटी) न्याय-व्याकरणाचार्य पं० रामदेवझामहाशयैर्विनिर्मितया प्रबोधिन्याख्य- व्याख्यया संवलितं वेणीसंहारनाटकं परीक्षणस्पृशा दृशा निरीक्ष्य परमानन्द- सन्दोहमविन्दम्। अन्वय - प्रतिशब्द - कोश-भावार्थ-छन्दोऽलङ्कारप्रभृतिविविधविषयाणां समीचीनतया सङ्कलनेन रुचिररचनाञ्चितमनोहरकलेवरमिदं पुस्तकं विपश्चि- ताञ्चिरं प्रचुरमन्तः सन्तोषमाधातुमीष्टे। विशेषतोऽश्रमं परीक्षाकान्तारमन्ते- वसतः प्रविविक्षून, अविचिकित्समुपकरिष्यतीति दृढं विश्वसन्नभ्युदीयमानाय टीकाकर्त्रे परश्शतान् धन्यवादान् वितरति। इत्यलं पल्लवितेन। निवेदनम् अयि-विद्याविनोदविद्योतितमानसा मान्या विद्वज्जनाः सुहृज्जनाश्च! छात्रक्लेशदर्शनेन दोदूयमानचेतास्तान् परीक्षान्धिं पारयितुकामोऽस्य व्याख्या- विरचने पं० श्रीदेवनारायणझामहाशयेन प्रोत्साहितः, पं० श्रीवालकृष्णझा- महोदयस्य, व्याकरणाचार्य पं० श्रीरामचन्द्रझामहोदयानाञ्च साहाय्येन सम्पाद्य प्रबोधिनी व्याख्यासंवलितमिदं वेणीसंहारनाटकं भवतां समक्षं समु- पाययन्, महानुभावत्रितयाय प्रकृतग्रन्थप्रकाशनेन छात्राणां विदुषां च महान्त- मुपकारं विरचयते चौखम्बासंस्कृत-पुस्तकालयाध्यक्षाय, श्रेष्ठिवरश्रीजयकृष्ण- दासगुप्तमहोदयाय च धन्यवादान् समर्पयन्, पुरुषसाधारणबुद्धया, समुपस्थिता- नत्रत्यदोषान् स्वमहिम्ना परिमार्जयितुं समभ्यर्थयेऽहं तत्रभवतः श्रीमत इति। टीकाकारः