वीरमित्रोदय: राजनीतिप्रकाश (महामहोपाध्याय मित्रमिश्र - प्राचीन भारतीय राजनीति एवं शासन कोष)

राज्ञः सहायाः । १७५ शूरान् कुलीनजातीयान् बलयुक्तान् श्रियान्वितान् ॥ रूपसत्त्वगुणोपेतान् संयतान् क्षमयाऽन्वितान् । क्लेशक्षमान् महोत्साहान् धर्मज्ञांश्च प्रियंवदान् ॥ हितोपदेशकाञ्ज्ञाज्ञः स्वामिभक्तान् श्रियान्वितान् । इति । विष्णुधर्मोत्तरे, साधवः कुलजाः शूरा ज्ञानवन्तोऽनसूयकाः । अक्षुद्राः शुचयो दक्षाः स्युर्नराः पारिपार्श्वकाः ॥ पारिपार्श्वकाः निकटवर्त्तिनः। तांश्च नित्यं परीक्षेदित्युक्तम्- तत्रैव, परीक्षेतप्रत्यहं भृत्यानामैश्वारैर्नराधिपः । समानशीलैर्विश्वस्तैर्विदृणोति मनोगतम् ॥ इति । बालिशादीनपरीक्षितांश्च न कुर्यादित्युक्तम्- तत्रैव, न बालिशा न च क्षुद्रा नाप्रज्ञा नाजितेन्द्रियाः ।