वीरमित्रोदय: राजनीतिप्रकाश (महामहोपाध्याय मित्रमिश्र - प्राचीन भारतीय राजनीति एवं शासन कोष)

३६२ वीरमित्रोदयस्य राजनीतिप्रकाशे द्वितीयावरणे प्रोक्ताः षोडशैव समासतः । दक्षव्यूहं समाख्यातं दाक्षव्यूहं शृणुष्व मे ॥ सर्वाशिनी विश्वरूपा लम्पटा चामिषप्रिया । लम्बोष्ठी दीर्घदंष्ट्रा च लम्बजानुः प्रहारिणी ॥ प्रथमावरणं प्रोक्तं द्वितीयावरणं शृणु । गजकर्णाश्वकर्णा च महाकाली सुभीषणा ॥ वातवेगरवा घोरा घना घनरवा तथा । घोरघोषा महाघण्टा सुघण्टा घण्टिका तथा ॥ घण्टेश्वरी महाघोरा घोरा चैवातिघोरिका । द्वितीयावरणे चैव षोडशैव प्रकीर्त्तिताः ॥ दाक्षव्यूहं समाख्यातं चण्डाव्यूहं शृणुष्व मे । अतिघण्टातिघोरा च कराला करका तथा ॥ विभूतिर्भोगदा कान्तिः शङ्खिनी चाष्टमी स्मृता । प्रथमावरणं प्रोक्तं द्वितीयावरणं शृणु ॥ पत्रिणी चैव गान्धारी योगमाता सुपीवरा । उत्तालकोत्सुका वीरा संहारी रमणी तथा ॥ फलहारी जीवहारी स्वेच्छाहारी च तुण्डिका । रेवती रङ्गिणी सङ्गा द्वितीये षोडशैव तु ॥ चण्डाव्यूहं समाख्यातं चण्डायीव्यूहमुच्यते । चण्डी चण्डमुखी चण्डा चण्डवेगा महारवा ॥ भ्रुकुटी चण्डरूपा च चण्डभ्रूश्चाष्टमी स्मृता । प्रथमावरणं प्रोक्तं द्वितीयावरणं शृणु ॥ चण्डघ्राणा चला चैव चलजिह्वा चलेश्वरी ।