वीरमित्रोदय: राजनीतिप्रकाश (महामहोपाध्याय मित्रमिश्र - प्राचीन भारतीय राजनीति एवं शासन कोष)

यात्राप्रकरणे लिङ्गपुराणोक्तजयाभिषेकविधिः । ३७१ भसितं च मृदो१ चैव बन्धयेद्दक्षिणे करे । त्र्यम्बकं यजामहे सुगन्धि पुष्टिवर्द्धनम् ॥ उर्वारुकमिव बन्धनान्मृत्योर्मुक्षीयमामृतात् । मन्त्रेणानेन राजानं सेचयेद्वाथ होमयेत् ॥ सर्वद्रव्याभिषेकं च होमद्रव्यैर्यथाक्रमम् । प्रागाद्यं ब्रह्माभिः प्रोक्तं सर्वद्रव्यैर्यथाक्रमम् ॥ तत्पुरुषाय विद्महे महादेवाय धीमहि । तन्नो रुद्रः प्रचोदयात् ॥ स्वाहान्तं पुरुषेणैवं प्राक्कुण्डे होमयेद्द्विजः । अघोरेण च याम्येऽथ होमयेत्कृष्णवाससा ॥ वामदेवाय नमोज्येष्ठाय नमः श्रेष्ठाय नमो रुद्राय नमः । इत्याद्युक्तक्रमेणैव जुहुयात्पश्चिमे पुनः ॥ सद्येन पश्चिमे होमः सर्वद्रव्यैर्यथाक्रमम् । सद्योजातं प्रपद्यामि सद्योजाताय वै नमो नमः । भवे भवे नातिभवे भवस्व मां भवोद्भवाय नमः ॥ स्वाहान्तं जुहुयादग्नौ मन्त्रेणानेन बुद्धिमान् । आग्नेय्यां च विधानेन ऋचा रौद्रेण होमयेत् ॥ जातवेदसे सुनवामसोममित्यादि । नैर्ऋते च तथा द्रव्यैः सर्वैर्होमो विधीयते ॥ मन्त्रेणानेन दिव्येन सर्वसिद्धिकरेण च । निशि निशि जय स्वाहा खड्ग राक्षसभेदन ॥ रुधिराज्यार्द्रनैर्ऋत्यै स्वाहा नमः स्वधा नमः । यथेदं विधिना द्रव्यैर्मन्त्रेणानेन होमयेत् ॥ १ मृणालेन इत्यपि पाठः ।