विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

वि० ध० तृ० खं० अ० १९६ ॥३९०॥

गुडेन परमान्नेन लवणेन घृतेन च। इक्षुणेक्षुविकारैश्च पयसा पायसेन च ॥४॥ पूज्याश्चाश्विभवानांयस्तथा तल्लक्षणैः शुभैः ॥ ततोऽनन्तरमश्नी याद्विधिव्यं प्रयतो नरः ॥ १० ॥ ब्राह्मणानां व्रतान्ते तु महाराजतरंजितम् ॥ शक्त्या च वसनं दद्याद्रात्रौ वा यदि वा नरः ॥ ११ ॥ रूपसौ भाग्यलावण्यधनयुक्तो भवेन्नरः ॥ व्रतेनानेन चीर्णेन स्वर्गलोकं च गच्छति ॥ १२ ॥ सोपवासस्तु यः कुर्याद्व्रतमेतदनुत्तमम् ॥ अश्वमेधसहस्र स्य फलं प्राप्नोति मानवः ॥ १३ ॥ सौभाग्यादि च यत्प्रोक्तं तदामोति विशेषवत ॥ मनसा वाञ्छितान्कामान्सर्वानप्राप्नोत्यसंशयम् ॥ १४ ॥ इति श्री जनाभिरामश्च शशाङ्कवत्स्याच्छादनालाभश्च तथैव लक्ष्म्या ॥ शकेन तुल्यश्च तथैव शक्त्या मानुष्यमासाद्य भवेच्च राजन् ॥ १५ ॥ इति श्री विष्णुधर्मोत्तरे तृ०ख० मार्कण्डेयवज्रसंवादे मासविधेर्पौर्णमासीव्रतवर्णनो नाम द्विनवत्युत्तरशततमोऽध्यायः ॥ १९२ ॥ मार्कण्डेय उवाच ॥ कार्त्तिक के पौर्णमास्यां तु पूर्णं शिशिरदीधितिम्॥ पद्म षोडशपत्रेषु कर्णिकायां तु पूजयेत् ॥ १ ॥ केसरे पूजयत्तत्र नक्षत्राण्यष्टाविंशतिः ॥ पत्रेषु ति थिदेवांश्च तथा ज्योत्स्नां च पूजयेत् ॥ २ ॥ गन्धमाल्यनमस्कारधूपदीपान्नसंपदा ॥ गुडेन परमान्नेन दध्ना च लवणेन च ॥ ३ ॥ अपूपैश्च महाभाग फलैः कालेोद्भवैस्तथा ॥ व्रतावसाने दद्याच्च वासोयुग्मं द्विजातये ॥ ४ ॥ ब्राह्मणेषु च महाभाग महाराजतरञ्जितम् ॥ पूज्यौच विधि ना शक्त्या कालविद्वाचकावुभौ ॥ ५ ॥ सोपवासोऽथ नक्ताशी व्रतमेतत्समाचरेत् ॥ नक्ताशनो वा धर्मज्ञ तथैव च हविष्यभुक् ॥ ६ ॥ सौ भाग्यदं रूपविवर्धनं च लावण्यदं कीर्तिविभोगदं च ॥ कार्यं प्रयत्नेन नरेन्द्र पुंसा कार्यं तथा स्त्रीभिरदीनसत्त्व ॥ ७ ॥ इति श्रीविष्णुधर्मोत्तरे तृ० ख० मार्कण्डेयवज्रसंवादे पौर्णमासीव्रतवर्णनो नाम त्रिनवत्युत्तरशततमोऽध्यायः ॥ १९३ ॥ मार्कण्डेय उवाच ॥ मार्गशीर्षादारभ्य चन्द्रमण्डलं के नरः ॥ सोपवासस्तु संपूज्य पौण्डरीकफलं लभेत् ॥ १ ॥ कृत्वा व्रतं वत्सरमेतदिष्टं प्राप्नोति लोकं स निशाकरस्य ॥ तत्रोष्य राजन्सुचिरं च कालं सायुज्यमाप्नोति ततश्च तस्य ॥ २ ॥ इति श्रीविष्णुधर्मोत्तरे तृ०ख० मार्कण्डेयवज्रसंवादे चन्द्रव्रतवर्णनो नाम चतुर्नवत्युत्तरशततमो ऽध्यायः ॥ १९४ ॥ मार्कण्डेय उवाच ॥ प्रौष्ठपादादारभ्य संपूर्णं शशलाञ्छनम् ॥ संजप्य वरुणं देवं गन्धमाल्यान्नसंपदा ॥ १ ॥ दत्त्वा व्रताव साने तु जलधेनुं द्विजातये ॥ छत्रोपानहसंयुक्तं वासोयुगविभूषिताम् ॥ २ ॥ प्राप्नोति लोकं वरुणस्य राजंस्तत्रोष्य कालं सुचिरं मनुष्यः ॥ मानुष्यमासाद्य भवत्यरोगी रूपान्वितो वित्तयुतस्तथैव ॥ ३ ॥ इति श्रीविष्णुधर्मोत्तरे तृ० ख० मार्कण्डेयवज्रसंवादे वरुणव्रतवर्णनो नाम पञ्चनवत्युत्तरशततमोऽध्यायः ॥ १९५ ॥ ॥ छ ॥ ॥ मार्कण्डेय उवाच ॥ ॥ अश्वयुक्ते शुक्ले तु पौर्णमास्यां नरः शुचिः ॥

॥३९०॥