विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

जगन्नाथं पौण्डरीकफलं लभेत् ॥ एकीकृत्य तु सर्वाणि समालभ्य जनार्दनम् ॥ १६७ ॥ अश्वमेधस्य मुख्यस्य फलं प्राप्नोत्यसंशयम् ॥ कामगः सर्वलोकेषु विचरत्यमरोपमः ॥ १६८ ॥ षोडशुलिप्येत देवेशं कीर्तितैर्वरुलेपनैः ॥ पार्थिवानि च यानि स्युः परमाणूनि तत्र वै ॥ १६९ ॥ तावत्यब्दानि लोकेषु कामचारी भवेत्तसौ ॥ न दातव्यं द्विजश्रेष्ठाः अतोऽन्यदुपलेपनम् ॥ १७० ॥ अनुलेपनमुख्यं च चन्दनं परिकीर्तितम् ॥ अनुलिप्य जगन्नाथं तालवृन्तेन वीजयेत् ॥ १७१ ॥ वायुलोकमवाप्नोति पुरुषस्तेन कर्मणा ॥ केशांसो गन्धव्यञ्जनं दत्त्वा सुभ मदो नरः ॥ १७२ ॥ सर्वकामसमृद्धस्य यज्ञस्य फलमश्नुते ॥ यच्छेते यस्तु गन्धानि गन्धयुक्तिकृतानि तु ॥ १७३ ॥ गन्धर्वत्वं स्मृतं तस्य सौभाग्यं च त्पयोत्तमम् ॥ चामरैर्वीजयेद्यस्तु देवदेवं जनार्दनम् ॥ १७४ ॥ तिलप्रस्थप्रदानस्य फलं प्राप्नोत्यसंशयम् ॥ एकवस्त्रप्रदानेन सर्वान्कामानवाप्नुयात्॥ १७५॥ कार्पासिकं वस्त्रयुग्मं यः प्रदद्याज्जनार्दने ॥ यावन्ति तस्य तन्तूिन हस्तमात्रामितानि तु ॥ १७६ ॥ तावद्वर्षसहस्राणि स्वर्गलोके महीयते ॥ महार्घता तथा तस्य साधुवेशोद्भवो यथा ॥ १७७॥ सूक्ष्मता च तथा विप्रास्तथा प्रोक्तं फलं महत् ॥ स्वर्गोग्रहस्य वक्ष्यामि वस्त्रदस्य फलायतः ॥ १७८ ॥ शुक्लवस्त्रप्रदानेन श्रियमाप्नोत्यनुत्तमाम् ॥ महारजतदत्तेन सौभाग्यं महदश्नुते ॥ १७९ ॥ नीलरक्तं विना रक्तं शेषं रक्तैर्द्विजोत्तमाः ॥ दत्त्वा भवति धर्मात्मा सर्वव्याधिविवर्जितः ॥ १८० ॥ नीलरक्तं तथा जीर्णं वस्त्रमन्यधृतं तथा ॥ देवदेवाय यो दद्यात्सर्वपापैर्विमुच्यते ॥ १८१॥ दुकूलप्रदानेन वह्निष्टोमफलं लभेत् ॥ कौशेयानि च वस्त्राणि सुसृष्टानि लघूनि च ॥ १८२ ॥ यः प्रयच्छति देवाय सोऽश्वमेधफलं लभेत् ॥ सलोमानि च वस्त्राणि यः प्रयच्छति धर्मवित् ॥ १८३ ॥ कृतानि वारवाणानि सोऽश्वमेधफलं लभेत् ॥ राङ्क वा मुगलोमाश्च कदल्यश्च तथा शुभाः ॥ १८४ ॥ यो दद्याद्देवदेवाय सौक्ष्म्यमफलं लभेत् ॥ नानाभक्तिविचित्राणि चीनजानि नवानि च ॥ ॥ १८५ ॥ दत्त्वा वासांसि शुभ्राणि राजसूयफलं लभेत् ॥ दत्त्वा निर्विशङ्कं सद्यः शत्रुभिर्नाभिभूयते ॥ १८६ ॥ दत्त्वा तद्वद्वंशुयुग्ममभि मेधफलं लभेत् ॥ यज्ञोपवीतदानेन ब्रह्मदानफलं लभेत् ॥ १८७ ॥ कर्णपूरप्रदानेन श्रुतिं विन्दति सर्वतः ॥ दत्त्वा चापराम् मुख्यं न भूतै रभिभूयते ॥ १८८ ॥ कूर्चप्रसाधनं दत्त्वा सुखमत्यन्तमश्नुते ॥ कङ्कतस्य प्रदानेन विरोगस्त्वभिभायते ॥ १८९ ॥ रूपवांश्च सुवेशश्च सुभगस्स र्वभागपि ॥ वस्त्रप्रदानाद्भवति सर्वकामसमन्वितः ॥ १९० ॥ विभूषणप्रदानेन राजा भवति भूतले ॥ रम्याणि रत्नचित्राणि सौवर्णानि द्विजोत्तमाः ॥ १९१ ॥ दत्त्वाभरणजातानि राजसूयमवाप्नुयात् ॥ प्रतिरूपकरत्नानि न देयानि कदाचन ॥ १९२ ॥