विष्णुधर्मोत्तर पुराण (तृतीय खण्ड - चित्रसूत्र, वास्तु, शिल्प व प्रतिमा लक्षण)

तुष्टाव ततस्तस्य तदा हरिः ॥ ६ ॥ प्रसन्नः पुत्रतामेत्य देवो वामनरूपधृक् ॥ त्रिभिर्क्रान्तैस्त्रिभुवनं सर्वमाक्रम्य विश्वधृक् ॥ ७ ॥ प्रादाच्छक्राय राजेन्द्र बद्ध्वा दैत्येश्वरं बलिम् ॥ कश्यपेन स्तुतस्त्वेवं तस्य पुत्रत्वमागतः ॥ ८ ॥ वज्र उवाच ॥ स्तवेन येन तुष्टाव कश्यपो मधुसूदनम् ॥ तं स्तवं त्वं समाचक्ष्व सर्वपापहरं शिवम् ॥ ९ ॥ मार्कण्डेय उवाच ॥ शृणु राजंस्तवं पुण्यं कश्यपेन प्रकीर्तितम् ॥ क्षीरोदशयनाद्यद्धा देवदेवं समुत्थि- तम् ॥ १० ॥ कश्यप उवाच ॥ ॐ नमोऽस्तु ते देवदेव एकशृङ्ग वृषाचित सिन्धुवृक्ष वृषाकपे सुरप अनिन्दित भद्र कपिल विष्वक्सेन ध्रुव धर्म धर्मध्वज वैकुण्ठ वृषावर्त अनादिमध्यनिधन जनाप्रिय वृष्णिज अमृतेशय सनातन त्रिधाम तर्पित डुन्दुभे महालोक महोलोक लोकनाभे पद्मनाभ विरिञ्च बहुरूप अक्षणादक्षय हयमुख खण्डपरशो चक्र पुण्डरीकेश हंस महादक्षिण हृषीकेश सूक्ष्म महासुनिस्तोम विरज स्तम सर्वलोकप्रतिष्ठ शिपिविष्ट अतपा अग्रज धर्मज धर्मनाम गभस्तिनाम चन्द्ररथ अपामपन् समुद्वास अज एकपाद सहस्ररश्मित महार्शीष सहस्रदृक् सहस्रपाद अयोमुख महापुरुष सहस्रबाहो सहस्रमूर्ते सहस्राक्ष सहस्रप्रभव सहस्रशास्त्वामाहुर्वेदाविदो वेदविदम् ॥ सर्वेषामेव विश्वस्तमाहुः पुष्पहास परमार्चस्तमेव वौषट् वषट्कार स्वाहा मखेषु भागप्रशिनं शतशारं सहस्रारं च भुवो भुववां त्वमेव ब्रह्ममय ब्राह्मणेय ब्रह्मा दिशस्त्वमेव द्यौरसि पृथिव्यसि मातरिश्वासि होता पोता मन्ता नेता होम्यहेतुस्त्वमेवाग्र्य विश्वधाम्ना त्वमेव दिग्भिः सम्भाण्ड इज्योऽसि समाधासि संविचित्स्त्वमेव गतिर्मतिमत्तामसि योगोऽसि मोक्षोऽसि परर्मसि सुगसि धातासि यज्ञोऽसि सोमोऽसि धूमोऽसि दीक्षासि दक्षिणासि विश्वमसि स्थविर तृगपाह्र हिरण्यगर्भ नारायण अनंत वृणसभे आदित्यवर्ण आदित्यतेजाः महापुरुष पुरुषोत्तम आदिदेव पद्मनाभ पञ्चास पञ्चाश पञ्चाल हिरण्याद्यकेश शुक्ल विश्वामन्विन्वदेव विश्वतोमुख विश्वाय विश्वसम्भव विश्वमुखमेव शुक्विम अतियुः प्रभाकर शम्भुः भवःस्वयम्भू भूतादिः महाभूत विश्वग् विश्वं त्वमेव विश्वचोत्तालि पवित्रमसि हविः विश्वचात ऊर्ध्वकर्म अमृतत्वाग्र भुवःपात घृताक्त अग्रे द्रुहिण अनन्तकर्मन्वरं प्राग्यं विश्वपार्श्व पार्श्व त्वमेव विश्व वराथिनब्रह्माहीति ॥ स्तोत्रेण यः काश्यपनिर्मितेन स्तोत्रं सदा देववरस्य कर्ता ॥ काल्यं शुचिस्तद्गतमानसेन गन्ता स लोकान्पुरुषोत्तमस्य ॥ ११ ॥ इति श्रीविष्णु- धर्मोत्तरे तृ० ख० मार्कण्डेयवज्रसंवादे कश्यपस्तोत्रवर्णनो नाम चतुरश्चत्वारिंशदधिकत्रिशततमोऽध्यायः ॥ ३४४ ॥ छ ॥ ॥ ४६४ ॥ ॥ वज्र उवाच ॥ ॥ प्रसादं परमं तस्य केशवस्य महात्मनः ॥ ब्रूहि भक्तजने मह्यं देवदेवस्य चक्रिणः ॥ १ ॥ न हि तृप्याम्यहं तस्य शृण्वानः