याज्ञवल्क्य स्मृति (मिताक्षरा टीका व हिन्दी व्याख्या सहित)

प्रायश्चित्ताध्यायः ४४५ त्रयो ग्रामः समाख्यात ऊर्ध्वं तु नगरायते ॥ राजवार्तादि तेषां तु भिक्षावार्ता परस्परम् । अपि पैशुन्यमात्सर्यं संन्निकर्षाच्च संशयः ॥' इति । 'परिव्रज्य परिपूर्वो व्रजतिस्त्यागे वर्तते । अतश्चाहंममाभिमानं तत्कृतं च लौकिकं कर्म- निचयं वैदिकं च नित्यकाम्यात्मकं संत्यजेत् । तदुक्तं मनुना ( १२।८८,८९, ९२ )-'सुखाम्युदयिकं चैव नैश्रेयसिकमेव च । प्रवृत्तं च निवृत्तं च द्विविधं कर्म वैदिकम् ॥ इह चामुत्र वा काम्यं प्रवृत्तं कर्म कीर्त्यते । निष्कामं ज्ञानपूर्वं तु निवृत्तमुपदिश्यते ॥ यथोक्तान्यपि कर्माणि परिहाय द्विजोत्तमः । आत्मज्ञाने शमे च स्याद्वेदाभ्यासे च यत्नवान् ॥' इति । अत्र वेदाभ्यासः प्रणवाभ्यासस्तत्र यत्नवान् । भिक्षाप्रयोजनार्थं ग्राममाश्रयेत् प्रविशेत् , न पुनः सुखनिवासार्थम् । वर्षाकाले तु न दोषः; 'उर्ध्वं वार्षिकाभ्यां मासाभ्यां नैकस्थानवासी' इति शङ्खस्मरणात् । अशक्तौ पुनर्मासचतुष्टयपर्यन्तमपि स्थातव्यं न चिरमेकत्र वसेदन्यत्र वर्षाकालात्; 'श्रावणादयश्चत्वारो मासा वर्षाकालः' इति देवल- स्मरणात् ।— 'एकरात्रं वसेद् ग्रामे नगरे रात्रिपञ्चकम् । वर्षाभ्योऽन्यत्र वर्षासु मासांस्तु चतुरो वसेत् ॥' इति काण्वस्मरणात् ॥ ५८ ॥ भाषा-प्रिय और अप्रिय सभी जीवों के प्रति उदासीन होकर, शान्त ( बाह्य एवं अन्तःकरण के क्षोभ से रहित ) होकर, तीन दण्ड और कमण्डलु धारण करके, सबसे अलग अकेले रहकर, सबका ( अहंकार आदि दोष एवं लौकिककर्म का ) त्याग करके केवल भिक्षा के लिये गांव में निवास करे ॥ ५८ ॥ कथं भिक्षाटनं कार्यमित्यत आह— अप्रमत्तश्चरेद्भैक्षं सायाह्नेऽ१नभिलक्षितः । रहिते भिक्षुकैर्ग्रामे यात्रामानमलोलुपः ॥ ५९ ॥ अप्रमत्तो वाक्चक्षुरादिचापलरहितो भैक्षं चरेत् । वसिष्ठेनात्र विशेषो दर्शितः ( १०।७ ) 'सप्तागाराण्यसंकल्पितानि चरेद्भैक्षम्' इति । सायाह्ने अह्नः पञ्चमे भागे । तथा च मनुः ( ६।५६ ) - 'विधूमे संन्नमुसले व्यङ्गारे भुक्तवज्जने । वृत्ते शरावसंपाते नित्यं भिक्षां यतिश्चरेत् ॥' इति । तथा—'एककालं चरेद्भिक्षां प्रसङ्गेयेन्न२ तु विस्तरे । भैक्षे प्रसक्तो हि यतिर्विषयेष्वपि सज्जति ॥' ( ६।५५ ) इति । अनभिलक्षितः ज्योतिर्विज्ञानापदेशादिना अचिह्नितः । मनुः (६।५०)— 'न चोत्पातनिमित्ताभ्यां न नक्षत्राङ्गविद्यया । नानुशासनवादाभ्यां भिक्षां लिप्सेत कर्हिचित् ॥' इति तेनोक्तत्वादिति ॥ यत्पुनर्वसिष्ठवचनम्- 'ब्राह्मणकुले वा

---

१. नाभिलक्षित । २. प्रसज्जेत् ।