युक्तिकल्पतरु (महाराज भोज - नौका-निर्माण, जलयान-विज्ञान, शस्त्र, दुर्ग एवं राजधर्म सटीक)

१० युक्तिकल्पतरौ— सुभक्तो (११) राजसु तथा कार्य्याणां प्रतिपत्तिमान् । नृपो निहन्याच्चारेण परराष्ट्रं विचक्षणः ॥ ६४ ॥ काल(१२)ज्ञान्मन्त्रकुशलान् साम्बत्सर चिकित्सकान् । तथान्यानपि युञ्जीत समर्थान् शुद्धचेतसः ॥ ६५ ॥ सक्रुद्धांश्च (१३) तथा लुब्धान् दृष्टार्था-त्तत्त्व भाषिणः (१४) । पाषण्डिन स्तापसादीन् परराष्ट्रे नियोजयेत् ॥ ६६ ॥ स्वदेश परदेशज्ञान् सुशीलान् सुविचक्षणान् । वार्त्ताहर्य्यान् बहू ंश्चैव चराणां विनियोजयेत् ॥ ६७ ॥ नैकस्य वचने राजा चारस्य प्रत्ययं वहेत् । द्वयोः सम्बन्ध माज्ञाय तद्युक्तं कार्य्यमारभेत् ॥ ६८ ॥ तस्माद्राजा प्रयुञ्जीत चरान् बहुमु(सु)खान् बहून् । नौरता वामना (१५) कुब्जा स्तद्विधा ये च कारवः ॥ ६९ ॥ भिक्षुक्यश्चारणा दास्यो मालाकार्य्यः (१६) कलाविदः । अन्तःपुरगतां वार्त्तां निर्हरेयु रलक्षिताम्(न्) ॥ ७० ॥ प्रकाशश्चाप्रकाशश्च चरस्तु द्विविधो मतः । अप्रकाश्योऽयमुद्दिष्टः प्रकाशो दूतसंज्ञकः ॥ ७१ ॥ ( ११ ) सभक्तो (भक्तौ) इति (ख) पुस्तक पाठः । ( १२ ) वालज्ञान् (लभ्यः) (ग) पुस्तक पाठः । ( १३ ) संक्रुद्धान् (क) (ग) पुस्तक पाठः । ( १४ ) अतत्त्वभाषिणः (क)-(ग) पुस्तक पाठः । ( १५ ) वासना इति (क) पुस्तक पाठः । नौरताः क्लीव्यं गता, निर्गतं रतं रमणं यस्मादिति वा । भिक्षुक्यः परिव्राजिकाः । ( १६ ) मालाकाराः इति (ग) पुस्तक पाठः ।