अगस्त्य संहिता (महर्षि अगस्त्य - पञ्चरात्र राम-उपासना एवं मन्त्र-विधान सटीक)

(260) अगस्त्य-संहिता शङ्ख चक्र गदा पद्म शार्ङ्ग बाण गरुड विष्वक्सेन एते विष्णुरूपाः। सर्वस्मै विष्णुरूपाय नमः। ज्योतिषे विष्णुरूपिणे। मनोवाक्कायजनितं कर्म यच्च शुभाशुभम्। तत्सर्वं भूतये भूयान्नमो रामाय देहिने।। 53 एतद्रहस्यं परमं प्रत्यूषःसु समासतः। यः पठेद्राममाहात्म्यं विद्यैश्वर्य्यनिधिर्भवेत् ।।54।। ऋणध्वंसश्च सौभाग्यं दारिद्र्यञ्च निकृन्तयेत्। उपद्रवाँश्च शमयेत् सर्व्वलोकं वशं नयेत्।।55।। यः पठेत्प्रातरुत्थाय धर्म्मार्पणधिया सदा। स याति परमं ब्रह्म पुनरावृत्तिवर्जितम्।।56।। इत्यगस्त्यसंहितोक्ता रामनवमीकथा समाप्ता। ॐ यदक्षरेत्यादि।¹ ॐ नमः ससीतारामलक्ष्मणाभ्याम्।

1. यदक्षरपदभ्रष्टं मात्राहीनञ्च यद् भवेत्। तत् सर्वं क्षम्यतां देव कस्य वै निश्चलं मनः।।