अणुभाष्य (महाप्रभु वल्लभाचार्य - शुद्धाद्वैत वेदान्त ब्रह्मसूत्र महाभाष्य प्रकाश टीका सहित)

'सलिल एको द्रष्टा भवति' इति श्रुत्या सुषुप्तावेव जीवब्रह्मणोरेकीभावश्रावणात् तदितरत्र तदुप- पगमे श्रुतिविरोधाज्जाग्रदादौ व्यावर्तकोपाधेर्विद्यमानत्वाच्च दर्पणसत्त्वे बिम्बयोरिव जीवब्रह्मणो- र्भेदसाधकवचनत्वात् । किंच । जीवब्रह्मणोरिदानीमभेदेऽन्योन्यधर्मविनिमयाद् ब्रह्मणो- ऽल्पज्ञताऽन्यस्य सर्वज्ञता चापद्येत इति नोक्तदूषणोद्धारसंभवः । यदि च बिम्बभूतं विषया- धिष्ठानचैतन्यमेव साक्षादाध्यासिकसंबन्धलाभाद् विषयप्रकाशकमित्याध्यासिकसंबन्धोप- लक्षितचैतन्यात्मना जीवैकीभावो, न तु बिम्बत्वविशिष्टरूपेणेति भेदस्यापि सद्भावान्नोक्तदूषणा- पत्तिरिति विभाव्यते, तदापि विषयतादात्म्यापन्नब्रह्मसत्त्वैकीभावो जात एवेति अहं घट इत्याकारज्ञानापत्तिः । अध्यासेनान्तःकरणतादात्म्यापन्नस्याहमिति ज्ञानवत् । अन्तः