आश्वलायन गृह्यसूत्र (अनाविला टीका व हिन्दी व्याख्या सहित)

१५

सूत्रम्.	विषयः.
१३.	समन्त्रमञ्जलिना मधुपर्कग्रहणं तदवेक्षणमनामिकाकनिष्ठिकाभ्यां त्रिः प्रदक्षिणमालोडनं पुरस्तान्निमार्जनं च ।
१४.	एवं दक्षिणपश्चिमोत्तरभागेषु निमार्जनम् ।
१५.	मन्त्रेण मध्यात् त्रिरुद्गृह्य प्रथमं प्राशनम् ।
१६.	मन्त्रान्तरेण द्वितीयं प्राशनम् ।
१७.	तथा तृतीयं प्राशनम् ।
१८.	सर्वप्राशनप्रतिषेधः ।
१९.	आ तृप्तेः पानप्रतिषेधः ।
२०.	मधुपर्कोच्छिष्टस्योदङ्मुखतया ब्राह्मणाय दानम् ।
२१.	ब्राह्मणालाभे मधुपर्कस्याप्सु त्यागः ।
२२.	सर्वप्राशनं वा ।
२३.	आचमनीयजलेनान्वाचमनं प्रथमम् ।
२४.	मन्त्रान्तरेण द्वितीयम् ।
२५.	आचान्ताय गोर्निवेदनम् ।
२६.	वधाभ्यनुज्ञायां जपित्वोङ्कुरुतेति वचनम् ।
२७.	उत्स्रष्टुकामस्य जपित्वोत्सृजतेति वचनम् ।
२८.	मधुपर्के भोजनस्यामांसत्वनिषेधः ।

द्वितीयोऽध्यायः ।

प्रथमः खण्डः ।

१. प्रतिसंवत्सरं श्रावणपौर्णमास्यां सर्पबलिः ।
२. अक्षतसक्तुभिः पूर्णस्य नवकलशस्य दर्व्याश्च नवे शिक्ये निधानम् ।
३. अक्षतान् धानाः कृत्वा तदर्धांशेऽसंस्कृतेन सर्पिषाञ्जनम् ।
४. अस्तमिते श्रपितस्य स्थालीपाकस्य होमचतुष्टयम्, एककपालस्य च पुरोडाशस्य सकृत् सर्वहोमः ।
५. अस्य पुरोडाशस्य घृतनिमज्जनमाविःपृष्ठता वा ।