आयुर्वेद प्रकाश (माधव उपाध्याय - रसशास्त्र, पारद शोधन व धातु भस्म निर्माण सटीक)

चत्वारः प्रतिवापाः सुलाक्षया मत्स्यपित्तभावितया । तारे वा शुल्वे वा तारारिष्टेऽथवा कृतौ ॥ २८० ॥ तदनु क्रोमणमृदितः सिक्थकपरिवेष्टितो देयः । अतिविद्रुते च तस्मिन् वेध्योऽसौ कुन्तवेधेन ॥ २८१ ॥ तदनु सिद्धतैलेनाप्लाव्य भस्मावच्छादनपूर्वकमवतार्य स्वा- ङ्गशैत्यपर्यन्तमपेक्षितव्य इति ॥ विद्धं रसेन यद्द्रव्यं पक्षार्धं स्थापयेद्भुवि । तत आनीय नगरे विक्रीणीत विचक्षणः ॥ २८२ ॥ समर्पतः ²सैन्धवखण्डकोटरे विधाय पिष्टिं सिकताख्यतस्थुपि । विशुद्धगन्धादिभिरीषदग्निना समस्तमक्षाल्यशनीयमीशजः २८३ कर्षाष्टङ्कणकज्जलिहरिरथैर्गन्धस्य च द्वौ रजः सिद्धाख्यं सकलैः कृतं पलमथ द्वित्रैरहोभिः शृतम् । भूयो गन्धमृतं चतुर्दशपुटैः स्यादिन्द्रगोपारुणं तत्तारे मधुना पुटेन धमनेनार्कच्छवीमीहते ॥ २८४ ॥ कर्षा इति बहुवचनात्त्रयः, त्रिधा पत्रलेपेनेति ज्ञेयम् ॥ इति सिद्धमते चूर्णकल्कः ॥ अथ रसचिन्तामणौ— चत्वारः स्वर्जिकाभागा यवक्षारस्तथा पुनः ॥ २८५ ॥ क्षारिकालवणं दद्यात्तत्तथाविधमेव च । काकमाचीरसस्यान्तर्दीयते सर्वमेव तत् ॥ २८६ ॥ ³शुद्धपित्तलपत्राणि सूक्ष्माणि पलयोर्द्वयोः । तप्तप्तानि तान्यस्मिन् काकमाचीरसे क्षिपेत् ॥ २८७ ॥ एकविंशतिवाराणि तारतां प्रतियान्ति च । एवं शुभ्राणि जायन्ते रूप्यान्न्यूनानि किंचन ॥ २८८ ॥ १ 'क्रमेण मृदितः' ग. । २ 'सैन्धवखण्डकोदरे' ख. । ३ 'नष्ट- पित्तलपत्राणि' ख. ।