गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

सप्तविंशः पटलः । २५३ दक्षकर्णे दिशेद्बालां पश्चादिष्टं निवेदयेत् ॥ ६२ ॥ स्वकीयचरणं मूर्ध्नि शिशोर्निधाय पार्वति । सर्वान् मन्त्रान् सकृद्वापि क्रमेणैव यथाविधि ॥ ६३ ॥ यथाधिकारमावर्त्य स्वाङ्गेषु च शिशोः करम् । स्पर्शयित्वा किमप्यङ्गं तदङ्गमातृकादिकम् ॥ ६४ ॥ द्व्यक्षरं त्र्यक्षरं वापि चतुरक्षरमेव वा । आनन्दनाथशब्दान्तं नाम कुर्याद्गुरुः पिता ॥ ६५ ॥ आचाराननुशिष्यार्थं हृच्चैतन्यं परामृ(ष?शे)त् । त्रिभिः कूटैस्तदङ्गं च त्रिः^२ प्रमृज्य गुरुः स्वयम् ॥ ६६ ॥ परिरभ्य तथा मूर्ध्नि समुपा[घ्रा?ग्रा]य सादरम् । आत्मरूपं ततः कृत्वा शिष्यं पूर्णं विभावयेत् ॥ ६७ ॥ अष्टोत्तरसहस्रं स्वशक्तिहान्यनवाप्तये । प्रसन्नात्मा जपेद्विद्यां ततो गुरुरुदारधीः ॥ ६८ ॥ कृतार्थः कृतकृत्यस्तु यथाविभवविस्तरैः । वित्तशाठ्यं परित्यज्य दम्भमोहौ च जि[म्भ?ह्म]ताम् ॥ ६६ ॥ हस्त्यश्वरथयानाद्यैर्दासदासीभिरेव च । गोभूमिहिरण्यवस्त्राद्यैस्तोषयेद् गुरुमात्मनः ॥ ७० ॥ कुम्भादिकर्णे यद् द्रव्यं सर्वमण्डप एव च । अर्थं प्राणांश्च शरीरं च सर्वं तस्मै निवेद्य च ॥ ७१ ॥ पतित्वा पादयोर्मूले दण्डवद् भुवि मानवः । नमस्ते भगवन्नाथ शिवाय गुरुरूपिणे ॥ ७२ ॥ १ 'न्वाशिष्यर्थं क. पाठ' । २ 'विप्र' क पाठ । ३ 'ष्य, पूणी' क पाठ ।