गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

२५८ गन्धर्वतन्त्रे । अथ मुक्ताफलमयी वाञ्छोत्फलदायिनी ॥ २८ ॥ सर्वसिद्धिप्रदा नित्यं सर्वलोकवशंकरी । यथा मुक्ताफलमयी स्फाटिकी च तथा भवेत् ॥ २९ ॥ रुद्राक्षमालिका भोगमोक्षानन्तफलप्रदा । प्रवालमाला वश्ये तु सर्वकार्यार्थसाधिका ॥ ३० ॥ [मलिना?माणिक्य]रचिता माला साम्राज्यफलदायिनी । पुत्रजीवोद्भवा माला पुत्रपौत्रप्रदायिनी ॥ ३१ ॥ पद्माक्षमालया लक्ष्मीर्जायते महती यशः । रक्तचन्दनमाला तु वश्ये सर्वसमृद्धिदा ॥ ३२ ॥ महाशङ्खमयी माला मारणोच्चाटनादिषु । वीराणां शस्यते सा हि शेषयोर्न शुभप्रदा ॥ ३३ ॥ पञ्चाशद्भिः शतैः कुर्यादष्टाविंशति [रेव?भिश्च] वा । न न्यूनैर्नाधिकैः कार्या बीजायैर्न विभूतये ॥ ३४ ॥ एको मेरुस्तत्र देयः सर्वेभ्यः स्थूलसंभवः । आद्यं स्थूलं ततो न्यूनं न्यूनं न्यूनतरं ततः ॥ ३५ ॥ विन्यसेत् क्रमतस्तस्मात् सर्पाकारा [वि?प्ये]नायता । ब्रह्मग्रन्थियुतं कुर्यात् प्रतिबीजं तथास्थितम् ॥ ३६ ॥ अन्यथा विफला माला संस्कृता जपकर्मणि । रुद्राक्षैर्यदि जप्येत इन्द्राक्षैः स्फाटिकैस्तथा ॥ ३७ ॥ नान्यन्मध्ये प्रयोक्तव्यं पुत्रजीवादिकं तु यत् । १ 'ततस्तस्मात्' ख पाठः । २ 'च सा यत' क पाठ ।