गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

२६८ गन्धर्वतन्त्रे । तत्र तत्र महादेवीं होमयेद्विधिना तथा । अष्टोत्तरशतं देवि पायसैर्मधुराप्लुतैः ॥ २९ ॥ वाद्यैर्नानाविधैर्देवि नृत्यगीतपुरःसरैः । जयशब्दान्वितैः स्तोत्रैर्महोत्सवमुदान्वितः ॥ ३० ॥ कृत्वाथ गुरुवे दद्याद्दक्षिणां पूर्वसूचिताम् । प्रमदाः परितोष्याथ ब्राह्मणानपि तोषयेत् ॥ ३१ ॥ एवं देवि प्रतिष्ठायां देवीसांनिध्यकारकः । यन्त्रे मन्त्रे कुले चैव कुलालंकरणे तथा ॥ ३२ ॥ त्रैपुरे चास्त्रशस्त्रे च पूजयेद्वा तथात्मनि । प्रतिमायां तथा वह्नौ शिवलिङ्गे तथा गुरौ ॥ ३३ ॥ पूजाधाराणि देवेशि कथितानि मयानघे । नान्यत्र पूजयेद्देवीं यदिच्छेदात्मनो हितम् ॥ ३४ ॥ इति श्रीगन्धर्वतन्त्रे पार्वतीश्वरसंवादे चक्रराज- प्रतिष्ठानिरूपणं नाम त्रयस्त्रिंंशः पटलः ॥ ३३ ॥ १ 'शा' क पाठ. । २ 'दि' क पाठ ।