गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

अष्टात्रिंशः पटलः। —❀❀❀❀— ईश्वर उवाच बहुकालं पूजिता तु तुष्टा स्यात्सूक्ष्मरूपिणी । यथा तुष्यति भोगेन तपायोगैश्च न तथा ॥ १ ॥ अतो भोगेन तां तोष्य तथा मुक्तो भवेत्सुखी । मया चापि पुरा देवि सेविता योगवर्त्मना ॥ २ ॥ परितुष्टा न मे देवी सूक्ष्मरूपान्तरस्थिता । शक्तिहीनं च मां वीक्ष्य वनिताविमुखं तथा ॥ ३ ॥ विषण्णवदनो ब्रह्मा हृदयेन विदूयता । चिन्तावशमुपाविष्टो ब्रह्मा लोकपितामहः ॥ ४ ॥ मामासाद्य तथा विष्णुं ययौ क्षीरपयोनिधिम् । क्षीरोदस्योत्तरे तीरे रत्नद्वीपे सुशोभिते ॥ ५ ॥ तत्र स्थित्वावयोर्मध्ये ब्रह्मा ध्यानपरोऽभवत् । हृत्पुण्डरीकमध्यस्थे देवीपादसरोरुहे ॥ ६ ॥ मनो निधाय योगात्मा देवीसूक्तं परं जगौ । व्यतीते बहुकालेऽथ देवी त्रिभुवनेश्वरी ॥ ७ ॥ १ ‘लपूजितैस्तु’ क पाठ । २ ‘पवि’ क पाठ ।