गान्धर्व तन्त्र (शैव-शाक्त आगम - मन्त्र-रहस्य, यन्त्र एवं देवतोपासना सटीक)

३४६ गन्धर्वतन्त्रे । समासाद्य च तांस्तांस्तु वैराग्ये वनमाविशेत् । असारांश्च तथा सारान्निःसारांश्च तथा परान् ॥ ६३ ॥ नानाविधैर्विवेकाद्यैर्विविच्य साधकस्तथा । सारभूते परे तत्त्वे मन आधाय योगवित् ॥ ६४ ॥ निःसारमसदाद्यन्तं जगदेतच्चराचरम् । सत्यं किमपि तत्रैव वस्तु सान्द्रान्निरन्तरम् ॥ ६५ ॥ तदानन्दमयं ब्रह्म विदित्वात्मनि साधकः । एकान्तविजने रम्ये मृदौ²कोमल आसने ॥ ६६ ॥ आसीनश्चिन्तयेद्ब्रह्म परमानन्दनिर्भरः । ब्रह्मचिन्तापरामोदी³ भोगेषु विगतस्पृहः ॥ ६७ ॥ एकां भार्यां समादाय योगिनीं सहचारिणीम् । असाध्यं साधयेद्योगी योगिन्येव सहायिनी ॥ ६८ ॥ यथा त्वं मयका नाथ पार्वत्या परमेश्वर । मोहयित्वा पुनर्देवी शंकरं प्राह पार्वती ॥ ६६ ॥ इति श्रीगन्धर्वतन्त्रे पार्वतीश्वरसंवादे शिवश- क्तिमयज्ञान-कुलयागवर्णनं नाम चत्वारिंशः पटलः ॥ ४० ॥ १ 'न आ' क. पाठः । २ 'दु' ख पाठः । ३ 'दभो' क पाठ ।