गोभिल गृह्यसूत्रम् (सामवेद कौथुम-राणायनीय शाखा - मुकुन्द शर्मा सटीक)

कर्मणि घः(१) । (पा० ३।३।१२५) “चजोरि०” ( पा० ७।३।५२ ) ति कु- त्वम् । टाप् । तथा च गृहपतिना भगया ( शोभनया(२)विस्पष्टया ) वाचा “ब्रूही”त्येवमभिहिता पत्नी-शुचिर्भूत्वा आचमनादिना । तथाभूतयैव वाचा- “भूतम्” इति “ब्रूयादिति” शेषः । गृहपतेस्तु – “आचान्तोदकेन कृत्यम्” ( १।१।२ ) इति पूर्वमभिधानाच्छुचिर्भूत्वेति पत्नीसम्बन्धविवक्षयैव सूचित- माचार्येण ॥ १७ ॥ प्रतिजप“त्योमि”त्युच्चैः । “तस्मै नमस्तन्माक्षाः” इत्युपांशु ॥ १८ ॥ इति प्रथमप्रपाठकस्य तृतीया कण्डिका ॥ १ ॥ ३ ॥ ॐ ॥ ॐ इति उच्चैः प्रतिजपति । गृहपतिः । “तस्मै नमस्तन्माक्षा” इति च उपां- शु-अव्यक्तम् यथा भवति तथा प्रतिजपतीत्यर्थः । उपांशु लक्षणमाह-रत्नाकर