हम्मीर रासो (कवि जोधराज - रणथम्भौर हम्मीर देव का शरणागत धर्म एवं शौर्य इतिहास)

१२ हम्मीररासो कर खग¹ धनुष कटि लसै तोनि ॥ ६३ ॥ कर जोरि ब्रह्म सों कह्यौ धाय । मैं करूँ कहा लोकेस आय ॥ जब कह्यौ कमलभू सुनहु तात । भृगुनाथ कहैं सुइ करो बात ॥ ६४ ॥ भृगुनाथ कही खल हनूँ धाय । सँग सक्ति दइय नृप कै सहाय ॥ दसबाहू उग्र आयुध बिसाल । आरूढ़ सिंह उर² कमल माल ॥ ६५ ॥ मुनिदेव मिले अभिसेष कीन । नृप अनल नाँम कह तासु दीन ॥ नृप कियौ जुद्ध तिनतैं अखंड । हनि जंत्रकेत करि खंड खंड ॥ ६६ ॥ हनि धूम्रकेत जो सक्ति आय । नृप हरष सहित परसे सुपाय ॥ बहु दैत्य नृपति मारे अपार । उठि चली खेत तैं रुहिर³ धार ॥ ६७ ॥ उबरे सु गए पाताललोक । भय दनुजहीन सब मृत्युलोक⁴ ॥ ६८ ॥ दोहरा छंद आसा पूरण सबन की, करी सक्ति तिहिं बार । याही तैं आसापुरा, धरयौ नाँम निरधार ॥ ६६ ॥ चहुवाँनन⁵ कै वंस मैं, परम इष्ट कुलदेवि । सकल मनोरथ सिधि तहाँ, पूजत पावै सेवि⁶ ॥ ७० ॥

१ खड्ग । २ गला। ३ रुधिर धार । ४ मर्त्यलोक । ५ चाहुव्वान। ६ देव, सेव—अंत्यानुप्रास । CC-0. Mumukshu Bhawan Varanasi Collection. Digitized by eGangotri