कबीरपंथी शब्दावली

(४३६)

कवीरपंथी-

समौ-ये बत्तिस जब ऊगहीं, तैतीसो छिप जाय । कहै कवीर सुनु गोरखा, आवा गमन नसाय ॥

इति अष्टाङ्ग योगकी रमनी ॥

रमनी--करीमकी हिकमत ॥

वाह करीम वलि हिकमत तेरी । खाक एक सूरत बहुतेरी ॥ औघे बासन नीर जमाया । जतन जतन करि नूर उपाया ॥ १ ॥ आप मनीका सकल पसारा । हिन्दू तुरुक कोई नहि न्यारा ॥ दम दम करि बोले सब कोई । दमके भीतर हरदम होई ॥ २ ॥ बाहर दमको लखै जो कोई । ताको आवा-गमन न होई ॥ दम लखिया जिन लखिया नामा । दम छूटा पाये निज ठामा ॥ ३ ॥ पीर पैगम्बर शेख मुलाना । तुम्हरी सिफत सुनि भै दिवाना ॥ कहै कवीर वह साहब न्यारा । यार वाः यार वाः यार हमारा ॥ ४ ॥

रमनी--काया मसजिद ॥

यार वा यार वा यार हमारा । सब जीवनका प्रान अधारा ॥ काया मसजिद अजब सँवारी । दोय खम्भा दस लगी किवारी ॥ १ ॥ ता भीतर होय बंग निमाजा । हरदम इरदम हरदम साजा ॥ एक मसजिद दसो दरवाजा । मन मुछा तहैं पठै निमाजा ॥ २ ॥ ज्ञान करद मौन दिल पकरी । बिस्मिल कीन्हो पांचो बकरी ॥ पांच चोर करै कुफराना । मारी सबदसूँ किया छिमाना ॥ ३ ॥ पांच पीर बसे इक थाना । शब्द अनाहद घुरै निशाना ॥ कहैं कवीर अजब कछु देखा । नूर नाम सत साहब पेखा ॥ ४ ॥

रमनी--मन ॥

मनकी मूठ लखै जो कोई । सो जन संत पारखी होई ॥ नगन मगन बकला कंद खाई । देखि दिसा मनको पतियाई ॥ १ ॥ बहु विधि बकता चतुर परवाना । अलप अहारी काया खीना ॥ बहु बुधिमान प्रेम हित रोवै । रंचक चाह रसातल बोवै ॥ २ ॥