कबीरपंथी शब्दावली

शब्दावली

(५८७)

रमैनी १३९-रामनाम चढ बुड़ा कवीरा । एको हंस लगा नहिं तीरा ॥ रामनाम सुमरण चित दीन्हा । रामरूप काहु नहिं चीन्हा ॥ एक रामनाम दसरथ गृह आया । सो जगते आकास सिधाया ॥ एक राम घरा घर कीन्हा । एक राम सो ना पर चीन्हा ॥ एक राम नित पीवे खावे । जगको देखे जगै दिखावे ॥

समै-इनमें राम जो सांचा, तेहि राम ले चीन्ह ।

रामनौमी भया राम कवीरा, जिसका यह तन कीन्ह ॥

रमैनी १४०- रामनौमी भया राम कवीरा । घर घर बाजे झांझ मजीरा ॥ सबके पिता पुत्र भैं आई । अजोध्या नगर करे ठकुराई ॥ उत्पत्त प्रलय जिनकी न होई । उत्पत्त प्रलय आये सोई ॥ उपजे न बिनसे आवे न जाई । अजोध्या नगर करे ठकुराई ॥ अन्न न खाय पीवे नहिं पानी । आराकार घर उतरे आनी ॥ आरति मंगल पढे पुराना । जो जन्मा सो किनहु न जाना ॥

समै-निराकार आकार भय, नाम धराया राम । राम कह कह जग गई, काहु मिला ना राम ॥ राम भगति जिन जानी, रामे चीन्हे सोय । कहैं कवीर वह भगत भय, आवा गवन न होय ॥

रमैनी १४१-मथुरा नगर सो बसे कन्हाई । गोपी ग्वाल जुरे सब आई ॥ कंसे मार जमी पर डारा । उग्रसेनको राज बैठारा ॥ करताके यह काम न होई । जो जिव मारे दूजा सोई ॥ काहुकी अङ्गिया काहुका चीरा । ऐसे काम न करे कवीरा ॥

समै-ये तो काम नहीं करताके, यह सब मनके काम ।

कह कवीर मनही जे मारा, जीते आतमराम ॥

रमैनी १४२-राम मंदिल वृन्दावन कीन्हा । दूधको दान गोपिन सो लीन्हा ॥ कहीं तरुण बालक होय जाई । कहीं वृद्ध होय देत दिखाई ॥ पलना झूलें मदन गोपाल । दूत कंसको हने