कल्कि पुराण (संस्कृत मूल एवं हिन्दी अनुवाद)

कल्किपुराण प्रथम अंश प्रथम-अध्याय सेन्द्रा देवगणा मुनीश्वरजना लोकाः सपांलाः सदा । स्व स्व कर्म सुसिद्धये प्रतिदिन भक्त्या भजन्त्युत्तमाः । तं विघ्नेशमनन्तमच्युतमजं सर्वज्ञसर्वाश्रयं । वन्दे वैदिकतान्त्रिकादिविविधैः शास्त्रैः पुरोध्वन्दितम्॥१॥ नारायणं नमस्कृत्य नरञ्चैव नरोत्तमम् । देवीं सरस्वतीञ्चैव ततो जयमुदीरयेत् ॥ २ ॥ यद्दोर्दण्डकरालसर्पकवलज्वालाज्वलद्विग्रहाः नेतुः सत्करवालदण्डदलिता भूपाःक्षितिक्षोभकाः । शश्वत् सैन्धववाहनो द्विजजनिः कल्किः परात्मा हरिः पायात्सत्ययुगादिकृत्स भगवान्धर्मप्रवृत्तिप्रियः ॥ ३ ॥ इति सूतवचः श्रुत्वा नैमिषारण्यवासिनः । शौनकाद्या महाभागाः पप्रच्छुस्तं कथामिमाम् ॥ ४ ॥ हे सूत! सर्वधर्मज्ञ ! लोमहर्षणपुत्रक ! । त्रिकालज्ञ ! पुराणज्ञ ! वद भागवतीं कथास् ॥ ५ ॥ क कलिः ? कुत्र वा जातो जगतामीश्वरं प्रभुः । कथ वा नित्य धर्म्मस्य विनाश कलिना कृतः ? ॥ ६ ॥ इति तेषा वचः श्रुत्वा सूतो ध्यात्वा हरिं प्रभुम् । सहर्षपुलकोद्भिन्न सर्वाङ्गः प्राह तान्मुनीन् ॥ ७ ॥