काशिका वृत्ति (आचार्य वामन एवं जयादित्य - अष्टाध्यायी सूत्र-वृत्ति सम्पूर्ण सान्वय सटीक)

६२२ ॥ काशिका ॥ ६ ॥ ४ ॥ ल्यपि प्रत्यये परतो घुमास्थागापाजहातिसां यदुक्तं तच्च । प्रदाय । प्रधाय । प्रमाय । प्रस्थाय । प्रगाय । प्रपाय । प्रहाय । अवसाय ॥ मयतेरिदन्यतरस्यात् ॥ ७० ॥ मयतेरिकारादेशो भवति ल्यपि परतः । अपमित्य । अपमाय ॥ लुङ्लङ्लृङ्क्ष्वडुदात्तः ॥ ७१ ॥ लुङ् लङ् लृङ् इत्येतेषु परतोऽङ्गस्याडामो भवति, उदात्तश्च स भवति । लुङ् । अकार्षीत् । अहार्षीत् । लङ् । अकरोत् । अहरत् । लृङ् । अकरिष्यत् । अहरिष्यत् ॥ आडाजादीनाम् ॥ ७२ ॥ आडागमो भवत्याजादीनां लुङ्लङ्लृङ्क्षु परत उदात्तश्च स भवति । ऐटिष्ट । ऐहिष्ट । औब्जीत् । औम्भीत् । लङ् । ऐटत । ऐहत । औब्जत् । औम्भत् । ल