मालतीमाधवम् (महाकवि भवभूति - शास्त्रीय शृंगार एवं तान्त्रिक प्रकरण नाटक सम्पूर्ण १० अङ्क)

कश्चित्सौम्य प्रियसहचरी विद्युदालिङ्गति त्वा- माविर्भूतप्रणयसुमुखाश्चातका वा भजन्ते । पौरस्त्यो वा सुखयति मरुत्साधुसंवाहनाभि- र्विष्वग्बिभ्रत्सुरपतिधनुर्लक्ष्मा लक्ष्मीवदेतत् ॥ २५ ॥ (आकर्ण्य ।) अये, अयं प्रतिरवभरितकन्दरानन्दितोत्कण्ठनीलकण्ठ- कलकेकानुबन्धिना मन्द्रहुंकृतेन मामनुमन्यते यावदभ्यर्थये । भग- वन् जीमूत, दैवात्पश्येर्जगति विचरन्मप्रियां मालतीं चे- दाश्वास्यादौ तदनु कथयेर्माधवीयामवस्थाम् । आशातन्तुर्न च कथयतात्यन्तमुच्छेदनीयः प्राणत्राणं कथमपि करोत्यायताक्ष्याः स एकः ॥ २६ ॥ (सहर्षम् ।) अये, प्रचलितः । तदन्यतः संभावयामि । (इति परिक्रामति ।)

---

तोयवाहविशेषणम् ॥