मालतीमाधवम् (महाकवि भवभूति - शास्त्रीय शृंगार एवं तान्त्रिक प्रकरण नाटक सम्पूर्ण १० अङ्क)

॥ श्रीः ॥ मालतीमाधवम् । प्रथमोऽङ्कः । चूडापीडकपालसंकुलगलन्मन्दाकिनीवारयो विद्युत्प्रायललाटलोचनशिखिज्वालाविमिश्रत्विषः । भावप्रदीपिका । ऐन्द्व्या कलयावतंसितकचं सौन्दर्यसारास्पदं कारुण्यामृतपूरपूरितलसल्लीलाकटाक्षाङ्कुरम् । उद्यत्कोटिदिनेशमण्डलरुचिन्यक्कारिभाभासुरं वन्दे पाशसृणीक्षुचापसुमनोबाणापहं तन्महः ॥ यत्तुण्डमण्डलगलन्मदवारिधाराः कर्णद्वयव्यजनवातविधूतशीर्णाः । भक्तान्तरायनिवहा इव सार्यमाणा भान्ति द्विपेन्द्रवदनं तमुपाश्रयामः ॥ एकाग्रमूलनिलयकरिभूधरनायकौ । काञ्चीपुरीश्वरौ वन्दे कामितार्थप्रसिद्धये ॥ पदवाक्यप्रमाणज्ञो भवभूतिर्महाकविः । मालती